Aqtóbede sońǵy táýlikte 29 adamnan koronavirýs infektsiiasy anyqtaldy. Ósim 15 paiyzdan asyp ketti, dep habarlaidy "Ult aqparat".
Oblystyq taýarlar men kórsetiletin qyzmetter sapasy men qaýipsizdigin baqylaý departamenti 18 mamyrdan bastap iri bazarlar men aýmaǵy 2 000 sharshy metr bolatyn saýda oryndaryn, mektepke deiingi uiymdardaǵy kezekshi toptardy, balalardyń túzetý kabinetteri men bilim berý ortalyqtaryn, úiirmeler, sulýlyq salondaryna jumys isteýge múmkindik bermek edi. Sonymen birge tizimde týristik kompaniialar, saiabaqtar, alańdar, skverler bar. Sportshylar men mádeniet qyzmetkerleriniń jumysqa barýyna ruqsat berip, jazǵy kafelerdi daiyndady. Biraq ósim 5 paiyzdan asyp, oblystyń bas sanitary karantin rejimin jeńildetýdi keiinge shegerýge usynys jasady.
«Biz 18 mamyr kúni karantin rejimin jeńildetýdiń tórtinshi kezeńin iske qosýdy josparlaǵan edik. Biraq osy aptada ósim artyp, oblys ákimine keiinge shegerý týraly usynys aityldy. Qosymsha habar beremiz», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
