اقتٶبەدە سوڭعى تەۋلٸكتە 29 ادامنان كوروناۆيرۋس ينفەكتسيياسى انىقتالدى. ٶسٸم 15 پايىزدان اسىپ كەتتٸ, دەپ حابارلايدى "ۇلت اقپارات".
وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸ 18 مامىردان باستاپ ٸرٸ بازارلار مەن اۋماعى 2 000 شارشى مەتر بولاتىن ساۋدا ورىندارىن, مەكتەپكە دەيٸنگٸ ۇيىمدارداعى كەزەكشٸ توپتاردى, بالالاردىڭ تٷزەتۋ كابينەتتەرٸ مەن بٸلٸم بەرۋ ورتالىقتارىن, ٷيٸرمەلەر, سۇلۋلىق سالوندارىنا جۇمىس ٸستەۋگە مٷمكٸندٸك بەرمەك ەدٸ. سونىمەن بٸرگە تٸزٸمدە تۋريستٸك كومپانييالار, ساياباقتار, الاڭدار, سكۆەرلەر بار. سپورتشىلار مەن مەدەنيەت قىزمەتكەرلەرٸنٸڭ جۇمىسقا بارۋىنا رۇقسات بەرٸپ, جازعى كافەلەردٸ دايىندادى. بٸراق ٶسٸم 5 پايىزدان اسىپ, وبلىستىڭ باس سانيتارى كارانتين رەجيمٸن جەڭٸلدەتۋدٸ كەيٸنگە شەگەرۋگە ۇسىنىس جاسادى.
«بٸز 18 مامىر كٷنٸ كارانتين رەجيمٸن جەڭٸلدەتۋدٸڭ تٶرتٸنشٸ كەزەڭٸن ٸسكە قوسۋدى جوسپارلاعان ەدٸك. بٸراق وسى اپتادا ٶسٸم ارتىپ, وبلىس ەكٸمٸنە كەيٸنگە شەگەرۋ تۋرالى ۇسىنىس ايتىلدى. قوسىمشا حابار بەرەمٸز», - دەدٸ وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
