Aqtóbede bazar-dúkenderdiń jumys ýaqyty shektelip, qoǵamdyq kólik kestesi ózgerdi, dep habarlaidy "Ult aqparat".
Aqtóbe oblysy boiynsha sońǵy táýlikte 48 adamnan koronavirýs infektsiiasy tabyldy. Ósim bir kúnde 11 paiyzǵa jýyqtady.
Oblystyń bas sanitar dárigeri Nursulý Berkimbaeva epidemiologiialyq jaǵdaiǵa bailanysty jańa qaýly shyǵardy.
Birqatar kásipkerlik obektisi jabylyp, bazarlardyń jumys ýaqyty qysqarady.
«Aqtóbe oblysy boiynsha shekteý sharasy bar, ony kúsheitýge qaýly qabyldandy. Sebebi qarapaiym shekteý sharasy saqtalmai, indet juqtyrǵandar kóbeidi. Búginnen bastap internet, kompiýter klýbtary, saiabaq, skverde, oiyn-saýyq oryndaryndaǵy balalardyń oiyn alańy jumysyn toqtatty. Biz 15 maýsymnan bastap saýyqtyrý lagerine jumys isteýge ruqsat berip edik, biraq bári keiinge shegerildi. Túngi klýbtar men karaoke jabyldy. Buqaralyq sharalarǵa, eske alý keshterine tyiym salyndy. Qonaq shaqyrýǵa bolmaidy. Kórme, forým, konferentsiia ótkizilmeidi. Saiabaqtaǵy tamaqtaný dúńgirshekteri jabyldy», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
Sonymen birge qoǵamdyq kólik 6:00-den 21:00-ge deiin júredi. Tek jumysqa baryp-kelýge, azyq-túlik satyp alýǵa ǵana syrtqa shyǵýǵa bolady. Sebepsiz kóshede júrý de toqtaýy tiis.
«Túrli taýar satatyn, mal, kiim-keshek, avtokólik, qurylys bazarlary dúisendi-beisenbi aralyǵynda 09:00-den 15:00-ge deiin, al juma-jeksendi kúnderi 10:00-den 16:00-ge deiin bolady. Azyq-túlik dúkeni, sýpermarketter 10:00-den 20:00-ge deiin jumys isteidi. Sońǵy derekter boiynsha adamdar bazarǵa barǵan, balalarmen oiyn alańdaryndy qydyryp, qonaq shaqyrǵan. Bul durys emes», - dedi Nursulý Berkimbaeva.
