اقتٶبەدە بازار-دٷكەندەردٸڭ جۇمىس ۋاقىتى شەكتەلٸپ, قوعامدىق كٶلٸك كەستەسٸ ٶزگەردٸ, دەپ حابارلايدى "ۇلت اقپارات".
اقتٶبە وبلىسى بويىنشا سوڭعى تەۋلٸكتە 48 ادامنان كوروناۆيرۋس ينفەكتسيياسى تابىلدى. ٶسٸم بٸر كٷندە 11 پايىزعا جۋىقتادى.
وبلىستىڭ باس سانيتار دەرٸگەرٸ نۇرسۇلۋ بەركٸمباەۆا ەپيدەميولوگييالىق جاعدايعا بايلانىستى جاڭا قاۋلى شىعاردى.
بٸرقاتار كەسٸپكەرلٸك وبەكتٸسٸ جابىلىپ, بازارلاردىڭ جۇمىس ۋاقىتى قىسقارادى.
«اقتٶبە وبلىسى بويىنشا شەكتەۋ شاراسى بار, ونى كٷشەيتۋگە قاۋلى قابىلداندى. سەبەبٸ قاراپايىم شەكتەۋ شاراسى ساقتالماي, ٸندەت جۇقتىرعاندار كٶبەيدٸ. بٷگٸننەن باستاپ ينتەرنەت, كومپيۋتەر كلۋبتارى, ساياباق, سكۆەردە, ويىن-ساۋىق ورىندارىنداعى بالالاردىڭ ويىن الاڭى جۇمىسىن توقتاتتى. بٸز 15 ماۋسىمنان باستاپ ساۋىقتىرۋ لاگەرٸنە جۇمىس ٸستەۋگە رۇقسات بەرٸپ ەدٸك, بٸراق بەرٸ كەيٸنگە شەگەرٸلدٸ. تٷنگٸ كلۋبتار مەن كاراوكە جابىلدى. بۇقارالىق شارالارعا, ەسكە الۋ كەشتەرٸنە تىيىم سالىندى. قوناق شاقىرۋعا بولمايدى. كٶرمە, فورۋم, كونفەرەنتسييا ٶتكٸزٸلمەيدٸ. ساياباقتاعى تاماقتانۋ دٷڭگٸرشەكتەرٸ جابىلدى», - دەدٸ وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
سونىمەن بٸرگە قوعامدىق كٶلٸك 6:00-دەن 21:00-گە دەيٸن جٷرەدٸ. تەك جۇمىسقا بارىپ-كەلۋگە, ازىق-تٷلٸك ساتىپ الۋعا عانا سىرتقا شىعۋعا بولادى. سەبەپسٸز كٶشەدە جٷرۋ دە توقتاۋى تيٸس.
«تٷرلٸ تاۋار ساتاتىن, مال, كيٸم-كەشەك, اۆتوكٶلٸك, قۇرىلىس بازارلارى دٷيسەندٸ-بەيسەنبٸ ارالىعىندا 09:00-دەن 15:00-گە دەيٸن, ال جۇما-جەكسەندٸ كٷندەرٸ 10:00-دەن 16:00-گە دەيٸن بولادى. ازىق-تٷلٸك دٷكەنٸ, سۋپەرماركەتتەر 10:00-دەن 20:00-گە دەيٸن جۇمىس ٸستەيدٸ. سوڭعى دەرەكتەر بويىنشا ادامدار بازارعا بارعان, بالالارمەن ويىن الاڭدارىندى قىدىرىپ, قوناق شاقىرعان. بۇل دۇرىس ەمەس», - دەدٸ نۇرسۇلۋ بەركٸمباەۆا.
