Foto: ©️ Tengrinews.kz
Aqtóbede jappai tóbeles saldarynan kámeletke tolmaǵan eki jasóspirim qaitys boldy, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
Oqiǵa 3 qańtarǵa qaraǵan túni bolǵan.
Vedomstvo málimetinshe, saǵat 00:10 shamasynda "102" pýltine Aqtóbe qalasy Qyzyljar aýylynda ornalasqan "Almaz" dúkeniniń janynda jappai tóbeles bolyp jatqandyǵy týraly habarlama túsken.
"Oqiǵa ornyna politsiia basqarmasynyń jedel-tergeý toby men oblys prokýratýrasynyń basshylyǵy shyqty. Bul derek boiynsha QR QK-niń 99-baby 2-bóliginiń QK-tiń 1, 9, 14-tarmaqtarymen qylmystyq is tirkeldi" - delingen habarlamada.
Aldyn ala derekterge sáikes, 2 qańtarda «Instagram» jelisinde kámeletke tolmaǵandar A jáne V arasynda janjal týyndap, nátijesinde kámeletke tolmaǵan V kelesi kúni «Almaz» dúkeniniń janynda kezdesýdi usynǵan.
2 qańtar saǵat 23:00 shamasynda toptyq tóbeles barysynda kámeletke tolmaǵandar A jáne S pyshaq jaraqattaryn alǵan.
"Saldarynan Aqtóbe qalasy JMJA-da alǵan jaraqatynan esin jimai eki kámeletke tolmaǵan bala qaitys boldy.
Qylmystyq is boiynsha protsess prokýrory taǵaiyndaldy. Tergeý barysy oblys prokýrory jeke baqylaýǵa aldy" - delingen habarlamada.
