Aqtóbede alapat daýyl bolyp, qurylys jumystary júrgizilip jatqan Batys-2 aýdanynda 2 kran qulap qaldy. Kran 9 qabatty turǵyn úidiń úsh balkonyn qiratyp ketti, dep habarlaidy "Ult aqparat".
Aqtóbe oblystyq TJD baspasóz qyzmeti oqiǵanyń 12.26-da bolǵanyn aityp, jeldiń jyldamdyǵy sekýndyna 18 metr bolǵanyn habarlady.
"Qurylys alańynda qatty soqqan jeldiń saldarynan eki úlken kran qulady. Sonyń saldarynan salynyp jatqan toǵyzqabatty úidiń lodjiialary men birinshi qabattaǵy páterdiń terezeleri búlingen. Zardap shekkender joq", - delingen baspasóz qyzmetiniń habarlamasynda.
Oqiǵa kýágeri Aqmaral Nursultanqyzynyń aitýyna qaraǵanda, qatty daýyl soqqan kezde aldymen bir kran qulap, keiin ekinshisin súirep ketken. Shatyrlar ushyp, turǵyn úilerdiń aýlasyndaǵy kólikter zaqymdanǵan.
Aita keteiik, jeldiń jyldamdyǵy sekýndyna 20 metr bolýyna bailanysty Aqtóbede eskertý jariialandy.
