اقتٶبەدە الاپات داۋىل بولىپ, قۇرىلىس جۇمىستارى جٷرگٸزٸلٸپ جاتقان باتىس-2 اۋدانىندا 2 كران قۇلاپ قالدى. كران 9 قاباتتى تۇرعىن ٷيدٸڭ ٷش بالكونىن قيراتىپ كەتتٸ, دەپ حابارلايدى "ۇلت اقپارات".
اقتٶبە وبلىستىق تجد باسپاسٶز قىزمەتٸ وقيعانىڭ 12.26-دا بولعانىن ايتىپ, جەلدٸڭ جىلدامدىعى سەكۋندىنا 18 مەتر بولعانىن حابارلادى.
"قۇرىلىس الاڭىندا قاتتى سوققان جەلدٸڭ سالدارىنان ەكٸ ٷلكەن كران قۇلادى. سونىڭ سالدارىنان سالىنىپ جاتقان توعىزقاباتتى ٷيدٸڭ لودجييالارى مەن بٸرٸنشٸ قاباتتاعى پەتەردٸڭ تەرەزەلەرٸ بٷلٸنگەن. زارداپ شەككەندەر جوق", - دەلٸنگەن باسپاسٶز قىزمەتٸنٸڭ حابارلاماسىندا.
وقيعا كۋەگەرٸ اقمارال نۇرسۇلتانقىزىنىڭ ايتۋىنا قاراعاندا, قاتتى داۋىل سوققان كەزدە الدىمەن بٸر كران قۇلاپ, كەيٸن ەكٸنشٸسٸن سٷيرەپ كەتكەن. شاتىرلار ۇشىپ, تۇرعىن ٷيلەردٸڭ اۋلاسىنداعى كٶلٸكتەر زاقىمدانعان.
ايتا كەتەيٸك, جەلدٸڭ جىلدامدىعى سەكۋندىنا 20 مەتر بولۋىنا بايلانىستى اقتٶبەدە ەسكەرتۋ جارييالاندى.
