Foto: Pixabay
Aqtóbede 15 jáne 6 jasar eki balany it tistep alyp, olar dáriger kómegine júgindi, dep habarlaidy «Ult aqparat» Kazinformǵa silteme jasap.
Oqiǵa 4 aqpan kúni keshkilik bolǵan.
Jábirlenýshi jasóspirimniń anasy Dáneker Otarbaevanyń aitýynsha, uly keshkilik qoqys tógýge shyqqan kezde aýladaǵy balalardy it qýyp, tistep jatqanyn kórgen.
Kórshilerin qutqarýǵa júgirgen jasóspirimniń ózin it qarsy atylǵan.
— Meniń balam qatty jaraqattandy, eki aiaǵynan tistegen. Politsiia qyzmetkerleri kelip, ittiń fotosyn kórsetti. Atyp tastaǵan eken. Biraq iesi joq dep aita almaimyn. Tap-taza, kútim kórgeni kórinip tur. Balam kolledjdiń 1-kýrsynda oqidy. Ony eresek kórshiler qutqarǵan. Eresekterden it qoryqsa da, balalarǵa qarsy umtylǵan. Túnimen mazasyndanyp, qazir qaralyp jatyr. Kún saiyn jaraqatyn tańyp júr, — dedi Dáneker Otarbaeva.
Ol mektepke baratyn eki qyzyn endi aparyp, úige qaita ákelip júr.
Aqtóbe oblystyq PD baspasóz qyzmetiniń habarlaýynsha, it iesi anyqtalmaǵan, oqiǵaǵa bailanysty veterinar mamandarǵa habar berilgen.
Al oblystyq densaýlyq saqtaý basqarmasynyń habarlaýynsha, 2008 jyly týǵan er balany it qapqan kezde jedel járdem qyzmeti shaqyryldy.
Keiin oblystyq balalar aýrýhanasyna jetkizilip, alǵashqy kómek kórsetildi. Qutyrmaǵa qarsy ekpe berilip, úiine jiberildi.
Sonymen birge 6 jastaǵy bala da aýrýhanaǵa jetkizilip, ekpe jasaldy. Ol da emhana dárigerleriniń baqylaýyna alyndy.
Aita keteiik, biyl qańtarda Aqtóbeniń Muǵaljar aýdanynda bir top oqýshyny it qýyp, aýlaý jumysy
Aqtóbe oblysy boiynsha biyl buralqy itti aýlaý, ýaqytsha ustaý, sterildeý jumystaryna 201 mln teńgeden astam qarjy qarastyryldy.
