فوتو: Pixabay
اقتٶبەدە 15 جەنە 6 جاسار ەكٸ بالانى يت تٸستەپ الىپ, ولار دەرٸگەر كٶمەگٸنە جٷگٸندٸ, دەپ حابارلايدى «ۇلت اقپارات» Kazinformعا سٸلتەمە جاساپ.
وقيعا 4 اقپان كٷنٸ كەشكٸلٸك بولعان.
جەبٸرلەنۋشٸ جاسٶسپٸرٸمنٸڭ اناسى دەنەكەر وتارباەۆانىڭ ايتۋىنشا, ۇلى كەشكٸلٸك قوقىس تٶگۋگە شىققان كەزدە اۋلاداعى بالالاردى يت قۋىپ, تٸستەپ جاتقانىن كٶرگەن.
كٶرشٸلەرٸن قۇتقارۋعا جٷگٸرگەن جاسٶسپٸرٸمنٸڭ ٶزٸن يت قارسى اتىلعان.
— مەنٸڭ بالام قاتتى جاراقاتتاندى, ەكٸ اياعىنان تٸستەگەن. پوليتسييا قىزمەتكەرلەرٸ كەلٸپ, يتتٸڭ فوتوسىن كٶرسەتتٸ. اتىپ تاستاعان ەكەن. بٸراق يەسٸ جوق دەپ ايتا المايمىن. تاپ-تازا, كٷتٸم كٶرگەنٸ كٶرٸنٸپ تۇر. بالام كوللەدجدٸڭ 1-كۋرسىندا وقيدى. ونى ەرەسەك كٶرشٸلەر قۇتقارعان. ەرەسەكتەردەن يت قورىقسا دا, بالالارعا قارسى ۇمتىلعان. تٷنٸمەن مازاسىندانىپ, قازٸر قارالىپ جاتىر. كٷن سايىن جاراقاتىن تاڭىپ جٷر, — دەدٸ دەنەكەر وتارباەۆا.
ول مەكتەپكە باراتىن ەكٸ قىزىن ەندٸ اپارىپ, ٷيگە قايتا ەكەلٸپ جٷر.
اقتٶبە وبلىستىق پد باسپاسٶز قىزمەتٸنٸڭ حابارلاۋىنشا, يت يەسٸ انىقتالماعان, وقيعاعا بايلانىستى ۆەتەرينار ماماندارعا حابار بەرٸلگەن.
ال وبلىستىق دەنساۋلىق ساقتاۋ باسقارماسىنىڭ حابارلاۋىنشا, 2008 جىلى تۋعان ەر بالانى يت قاپقان كەزدە جەدەل جەردەم قىزمەتٸ شاقىرىلدى.
كەيٸن وبلىستىق بالالار اۋرۋحاناسىنا جەتكٸزٸلٸپ, العاشقى كٶمەك كٶرسەتٸلدٸ. قۇتىرماعا قارسى ەكپە بەرٸلٸپ, ٷيٸنە جٸبەرٸلدٸ.
سونىمەن بٸرگە 6 جاستاعى بالا دا اۋرۋحاناعا جەتكٸزٸلٸپ, ەكپە جاسالدى. ول دا ەمحانا دەرٸگەرلەرٸنٸڭ باقىلاۋىنا الىندى.
ايتا كەتەيٸك, بيىل قاڭتاردا اقتٶبەنٸڭ مۇعالجار اۋدانىندا بٸر توپ وقۋشىنى يت قۋىپ, اۋلاۋ جۇمىسى
اقتٶبە وبلىسى بويىنشا بيىل بۇرالقى يتتٸ اۋلاۋ, ۋاقىتشا ۇستاۋ, ستەريلدەۋ جۇمىستارىنا 201 ملن تەڭگەدەن استام قارجى قاراستىرىلدى.
