Ulttyq qaýipsizdik komiteti men ishki ister organdarynyń qyzmetkerleri Aqtóbeniń tórt turǵynyn ustady, - dep habarlaidy "Ult aqparat" Qazaqstannyń UQK baspasóz qyzmetine silteme jasap.
"24 qarasha kúni UQK ishki ister organdaryn qatystyrýmen terrorizmdi nasihattaý faktisi boiynsha qozǵalǵan qylmystyq is sheńberinde Aqtóbe qalasynyń 4 turǵynyn ustaýdy júzege asyrdy. Tintý barysynda qoldan qysqartylǵan ańshy myltyǵy men oǵan arnalǵan oq-dáriler, travmatikalyq jáne gaz tapanshalary, qoldan jasalǵan pyshaqtar, destrýktivti dini mazmundaǵy ádebiet jáne elektrondy aqparat tasymaldaýyshtar alyndy", - delingen habarlamada.
Sonymen qatar, bul adamdar turaqty túrde jiyndar uiymdastyrǵan degen kúdikke ilingen, olardyń barysynda dinge senýshilerdi Qazaqstanda tyiym salynǵan DAISh halyqaralyq terroristik uiymyn qoldaýǵa úgittegeni aityldy. Tergeý is-sharalary jalǵasyp jatyr.
