Samara-Shymkent, Batys Qytai-Batys Eýropa dáliziniń bir bóligi aqyly bolady. Qazir óńirde qoǵamdyq tyńdaý ótip jatyr, dep habarlaidy "Ult aqparat".
Samara-Shymkent tasjolynyń Aqtóbe-Qobda-Batys Qazaqstan aýmaǵy, Batys Qytai-Batys Eýropa halyqaralyq dáliziniń Aqtóbe-Mártók-Orynbor baǵyty aqyly bolady. Aldaǵy ýaqytta zamanaýi baǵdarlamalyq-apparattyq keshen iske qosylady. Keshen jol qozǵalysynyń qaýipsizdigin baqylaýǵa múmkindik beredi. Ári jol boiyndaǵy infraqurylymdy, sondai-aq tranzittik júk tasymalynyń qozǵalys jyldamdyǵy men aýqymyn baqylaýǵa múmkindik beredi.
«Aqtóbe-Oral jáne Aqtóbe-Orynbor jol ýchaskelerinde 5 baqylaý arkasy jáne klienttermen jumys isteý ortalyǵy ornatylǵan. Arkalarda avtokóliktiń bir aimaqtan ekinshi aimaqqa ótýin tirkeitin arnaiy kamera qoiylǵan. Aqyly jańa ýchaskelerde tólemderdi qabyldaýdyń «ashyq júiesi» bolady. Bir ereksheligi jol boiynda shlagbaýmdar men tólemderdi qabyldaý pýnktteri bolmaidy. Bul kólik qozǵalysyn baqylap, keptelistiń aldyn alady. Jol júrý tólemi aldyn ala tóleý tásilimen nemese qolma-qol aqshasyz júzege asyrylatyn bolady», - dedi «Qazavtojol» AQ oblystyq filialy basshysynyń orynbasary Aibol Danaǵul.
Aita keteiik, Aqtóbe-Oral jáne Aqtóbe-Orynbor jol ýchaskesinde kommertsiialyq júk avtokóliginen ǵana jol júrý aqysy alynady. Bul baǵyt II-sanattaǵy jolǵa jatatyndyqtan jeńil kólik ielerinen aqy alynbaidy.
