Aqtóbede №51 mektep-gimnaziiasyna «jazylǵysh zat qoiyldy» dep eki ret habarlama taratqan adam áli izdestirilip jatyr, dep habarlaidy "Ult aqparat".
Qańtar aiynda Aqtóbe qalasyndaǵy №51 mektep-gimnaziiasyna «bomba qoiylǵany» týraly 2 habarlama kelip tústi.
Eki hat ta elektrondy mekenjaiǵa joldanǵan. Habarlama jazǵan adamdy anyqtaýǵa jáne ustaýǵa baǵyttalǵan jedel is-shara júrgizilip jatyr.
«Terrorizm aktisi týraly kórineý jalǵan habarlama taratqany úshin Qazaqstan Respýblikasy Qylmystyq kodeksiniń 273-babynda qylmystyq jaýapkershilik belgilengen. QR QK 273-baby boiynsha 14 jasqa tolǵan jasóspirim de jaýapqa tartylady», - deidi Aqtóbe oblysy PD bastyǵy Atyǵai Arystanov.
Aita keteiik, osy baptyń sanktsiiasy bes myń ailyq eseptik kórsetkishke deiingi mólsherde aiyppul salý ne sol mólsherde túzeý jumystary ne bes jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý túrindegi qylmystyq jaýaptylyqty kózdeidi.
«Bilim mekemeleriniń oqýshylary da qońyraý shalǵan fakti kezdesedi. Oqýshynyń jasyna qaramastan (onyń jeke múlki men tabysynyń bolmaýyna bailanysty) kelip túsken habarlamany tekserý jónindegi arnaiy is-sharalardy uiymdastyrýǵa jáne ótkizýge bailanysty materialdyq zalal onyń ata-anasyna júkteledi. Byltyr terrorizm aktisi týraly osyndai 2 jalǵan habarlama tústi. Qońyraý shalǵandar anyqtalyp, qylmystyq jaýapqa tartyldy», - deidi Atyǵai Arystanov.
