Foto: Gov.kz
Aqtóbede qazaqtyń tuńǵysh bard aqyny Tabyldy Dosymovtyń shyǵarmashylyǵyna arnalǵan «Sáigúlik» III respýblikalyq bard ánshiler baiqaýy uiymdastyryldy, dep habarlaidy Ult.kz.
Dástúrli dodaǵa elimizdiń ár óńirinen 18 ónerpaz qatysyp, aqynnyń lirikalyq jáne patriottyq ánderin gitara súiemeldeýimen oryndady.
Qazaqstan Respýblikasy Mádeniet jáne aqparat ministri Aida Balaeva quttyqtaý hatynda bul festival ulttyq ónerdi dáriptep, jastarǵa otansúigishtik rýh syilaitynyn atap ótti. Al oblys ákimi Ashat Shaharov baiqaýdyń jyldan-jylǵa bedeli artyp, qatysýshylar qatary kóbeiip kele jatqanyn aitty.
Jeńimpazdar anyqtaldy:
- Bas júlde – Ǵibadat Turǵaliev (Atyraý)
I oryn – Orynbasar Jumahanov (Atyraý)
II oryn – Erkebulan Ájimuratov (Aqtóbe), Samiǵollaev Izbasar (Atyraý)
III oryn – Siǵvatolla Eshqaev (BQO), Ákimjan Makenov (Qaraǵandy)
Arnaiy júlde men diplomdar birneshe qatysýshyǵa tabystaldy. Kesh sońynda alaý jaǵylyp, barlyq qatysýshy men kórermen qosylyp «Sáigúlik» ánin shyrqady.
