Illiýstratsiialyq foto: elements.envato.com
Aqtóbede áieli men qyzyn pyshaqtap tastaǵan mektep direktorynyń isi oblystyq qylmystyq ister jónindegi mamandandyrylǵan aýdanaralyq sotynda qaralady. Sot ashyq ótedi, dep habarlaidy QazAqparat agenttigi.
«Qylmystyq is sotqa tústi. Aldyn ala tyńdaý 2 aqpan kúni oblystyq qylmystyq ister jónindegi mamandandyrylǵan aýdanaralyq sotynda ótedi. Is ashyq qaralady», - dep habarlady oblystyq sottyń baspasóz qyzmeti.
Bul oqiǵa byltyr Aqtóbe oblysy Shalqar aýdany Aqqaitym aýylynda boldy. Jańaqonys aýyldyq okrýginiń ortalyǵy sanalatyn Aqqaitym aýylynda orta mektep direktory áieli men balasyn pyshaqtap tastaǵan.
«Qylmystyq kodekstiń 99-baby, iaǵni adam óltirýge oqtalý boiynsha is qozǵalyp, tergeý júrip jatyr. Kúdikti eki aiǵa qamaýǵa alyndy. Ózge aqparat tergeý qupiialylyǵyna bailanysty taratylmaidy», - degen edi oblystyq PD baspasóz qyzmetiniń jetekshisi Erbolat Sarqulov.
Sol kezde Shalqar aýdandyq aýrýhanasy bas dárigeriniń orynbasary Erkebulan Erkinuly oqýshynyń 7 jasta ekenin jáne ústinde tilikter baryn aitty. Jarany tańyp, úiine jibergen. Sebebi, jábirlenýshiler aýrýhanada em qabyldaýdan bas tartqan.
