يلليۋستراتسييالىق فوتو: elements.envato.com
اقتٶبەدە ەيەلٸ مەن قىزىن پىشاقتاپ تاستاعان مەكتەپ ديرەكتورىنىڭ ٸسٸ وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالادى. سوت اشىق ٶتەدٸ, دەپ حابارلايدى قازاقپارات اگەنتتٸگٸ.
«قىلمىستىق ٸس سوتقا تٷستٸ. الدىن الا تىڭداۋ 2 اقپان كٷنٸ وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٶتەدٸ. ٸس اشىق قارالادى», - دەپ حابارلادى وبلىستىق سوتتىڭ باسپاسٶز قىزمەتٸ.
بۇل وقيعا بىلتىر اقتٶبە وبلىسى شالقار اۋدانى اققايتىم اۋىلىندا بولدى. جاڭاقونىس اۋىلدىق وكرۋگٸنٸڭ ورتالىعى سانالاتىن اققايتىم اۋىلىندا ورتا مەكتەپ ديرەكتورى ەيەلٸ مەن بالاسىن پىشاقتاپ تاستاعان.
«قىلمىستىق كودەكستٸڭ 99-بابى, ياعني ادام ٶلتٸرۋگە وقتالۋ بويىنشا ٸس قوزعالىپ, تەرگەۋ جٷرٸپ جاتىر. كٷدٸكتٸ ەكٸ ايعا قاماۋعا الىندى. ٶزگە اقپارات تەرگەۋ قۇپييالىلىعىنا بايلانىستى تاراتىلمايدى», - دەگەن ەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
سول كەزدە شالقار اۋداندىق اۋرۋحاناسى باس دەرٸگەرٸنٸڭ ورىنباسارى ەركەبۇلان ەركٸنۇلى وقۋشىنىڭ 7 جاستا ەكەنٸن جەنە ٷستٸندە تٸلٸكتەر بارىن ايتتى. جارانى تاڭىپ, ٷيٸنە جٸبەرگەن. سەبەبٸ, جەبٸرلەنۋشٸلەر اۋرۋحانادا ەم قابىلداۋدان باس تارتقان.
