«Samara - Shymkent» tasjolynda Ózbekstan azamattary mingen avtobýs buzylyp qaldy. Aqtóbedegi tótenshe jaǵdailar qyzmeti jolaýshylardy qaýipsiz jerge tasymaldady, dep habarlaidy "Ult aqparat".
«Samara - Shymkent» tasjolynyń 668 shaqyrymynda, iaǵni, Sarytoǵai aýyly mańynda «Setra» markili avtobýs buzylyp qaldy. Júrgizýshiler 10 aqpan kúni saǵat 03:00-de tótenshe jaǵdailar qyzmetinen kómek suraǵan. Sebebi, avtobýsta kompressor isten shyqqan.
«Avtobýsta barlyǵy 54 adam boldy. Onyń 51-i Ózbekstan, úsheýi Qazaqstan azamaty. Qutqarý jumystaryna TJD «Jedel qutqarý jasaǵy» MM-niń jeke quramynan 3 adam, 1 avtokólik jáne jol-patrýldik politsiiasynan 2 adam, 1 avtokólik jiberildi. Barlyǵy 52 adam Sarytoǵai aýylynda ornalasqan «Jolserik» kempingine ornalastyryldy, al 2 júrgizýshi avtokólikti jóndeý úshin avtobýs ishinde qaldy», - dep habarlady oblystyq TJD baspasóz qyzmeti.
