«سامارا - شىمكەنت» تاسجولىندا ٶزبەكستان ازاماتتارى مٸنگەن اۆتوبۋس بۇزىلىپ قالدى. اقتٶبەدەگٸ تٶتەنشە جاعدايلار قىزمەتٸ جولاۋشىلاردى قاۋٸپسٸز جەرگە تاسىمالدادى, دەپ حابارلايدى "ۇلت اقپارات".
«سامارا - شىمكەنت» تاسجولىنىڭ 668 شاقىرىمىندا, ياعني, سارىتوعاي اۋىلى ماڭىندا «Setra» ماركٸلٸ اۆتوبۋس بۇزىلىپ قالدى. جٷرگٸزۋشٸلەر 10 اقپان كٷنٸ ساعات 03:00-دە تٶتەنشە جاعدايلار قىزمەتٸنەن كٶمەك سۇراعان. سەبەبٸ, اۆتوبۋستا كومپرەسسور ٸستەن شىققان.
«اۆتوبۋستا بارلىعى 54 ادام بولدى. ونىڭ 51-ٸ ٶزبەكستان, ٷشەۋٸ قازاقستان ازاماتى. قۇتقارۋ جۇمىستارىنا تجد «جەدەل قۇتقارۋ جاساعى» مم-نٸڭ جەكە قۇرامىنان 3 ادام, 1 اۆتوكٶلٸك جەنە جول-پاترۋلدٸك پوليتسيياسىنان 2 ادام, 1 اۆتوكٶلٸك جٸبەرٸلدٸ. بارلىعى 52 ادام سارىتوعاي اۋىلىندا ورنالاسقان «جولسەرٸك» كەمپينگٸنە ورنالاستىرىلدى, ال 2 جٷرگٸزۋشٸ اۆتوكٶلٸكتٸ جٶندەۋ ٷشٸن اۆتوبۋس ٸشٸندە قالدى», - دەپ حابارلادى وبلىستىق تجد باسپاسٶز قىزمەتٸ.
