Samara-Shymkent tasjolynda avtobýs órtenip, 52 adam qaza boldy, dep habarlaidy "Ult aqparat" Aqtóbe oblystyq TJD baspasóz qyzmetine silteme jasap.
Aqtóbede Ózbekstan azamattary mingen avtobýs órtendi.
«Aldyn ala málimet boiynsha, búgin Astana ýaqytymen saǵat 10:30-da Yrǵyz aýdanynyń Qalybai aýylyna jaqyn mańda avtobýstan órt shyqty. «Ikarýs» markaly avtobýs ishinen shyqqan órt saldarynan 52 jolaýshy kóz jumdy. 5 jolaýshy órtten shyǵyp úlgergen. Olardyń barlyǵy Ózbekstan azamaty. Oqiǵa ornyna órt sóndirýge arnalǵan 2 tehnika men 8 adam jiberildi. Bul jer oblys ortalyǵynan 320 shaqyrym qashyqtyqta ornalasqan», - dep habarlaidy Aqtóbe oblystyq tótenshe jaǵdailar departamentiniń baspasóz qyzmeti.
Aqtóbe oblystyq TDJ men oblys ákiminiń orynbasary jedel shtab qurdy. Jedel jeli iske qosyldy. Oqiǵa ornynda politsiia, qutqarýshylar men psihologtar, dárigerler jumys istep jatyr.
