سامارا-شىمكەنت تاسجولىندا اۆتوبۋس ٶرتەنٸپ, 52 ادام قازا بولدى, دەپ حابارلايدى "ۇلت اقپارات" اقتٶبە وبلىستىق تجد باسپاسٶز قىزمەتٸنە سٸلتەمە جاساپ.
اقتٶبەدە ٶزبەكستان ازاماتتارى مٸنگەن اۆتوبۋس ٶرتەندٸ.
«الدىن الا مەلٸمەت بويىنشا, بٷگٸن استانا ۋاقىتىمەن ساعات 10:30-دا ىرعىز اۋدانىنىڭ قالىباي اۋىلىنا جاقىن ماڭدا اۆتوبۋستان ٶرت شىقتى. «يكارۋس» ماركالى اۆتوبۋس ٸشٸنەن شىققان ٶرت سالدارىنان 52 جولاۋشى كٶز جۇمدى. 5 جولاۋشى ٶرتتەن شىعىپ ٷلگەرگەن. ولاردىڭ بارلىعى ٶزبەكستان ازاماتى. وقيعا ورنىنا ٶرت سٶندٸرۋگە ارنالعان 2 تەحنيكا مەن 8 ادام جٸبەرٸلدٸ. بۇل جەر وبلىس ورتالىعىنان 320 شاقىرىم قاشىقتىقتا ورنالاسقان», - دەپ حابارلايدى اقتٶبە وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
اقتٶبە وبلىستىق تدج مەن وبلىس ەكٸمٸنٸڭ ورىنباسارى جەدەل شتاب قۇردى. جەدەل جەلٸ ٸسكە قوسىلدى. وقيعا ورنىندا پوليتسييا, قۇتقارۋشىلار مەن پسيحولوگتار, دەرٸگەرلەر جۇمىس ٸستەپ جاتىر.
