Foto: Inbusiness.kz
Aqtóbe oblysy boiynsha QMA departamenti «Aviajóndeý zaýyty №406 GA» AQ-nyń burynǵy basshysyna qatysty biýdjet qarajatyn jymqyrý deregi boiynsha tergeýdi aiaqtady, dep habarlaidy Ult.kz.
Tergeý málimetine sáikes, kúdikti qyzmettik ókiletin paidalanyp, áýe kemelerin jóndeýge arnalǵan taýarlyq-materialdyq qorlardy zańsyz esepten shyǵarý shemasyn uiymdastyrǵan. MI-2 tikushaqtary men AN-2 ushaqtaryna arnalǵan agregattar men qosalqy bólshekter jalǵan túrde baqylaýyndaǵy kompaniialar arqyly satyp alynǵan bolyp kórsetilgen.
Zaýyt qujattarynda bólshekter qoimadan alynyp, kúrdeli jóndeý kezinde tehnikaǵa ornatylǵan dep rásimdelgen. Alaida is júzinde olar qoldanylmaǵan. Keiin olardyń «paidalanylǵanyn» dáleldeý úshin jalǵan esepten shyǵarý aktileri bekitilgen.
Memleketke keltirilgen shyǵyn 110 mln teńge bolǵan.
Sot sanktsiiasymen kúdiktige tiesili eki páter men jer ýchaskesine tyiym salyndy.
Qylmystyq is sotqa joldanyp, QR QPK-niń 201-babyna sáikes ózge aqparat jariia etýge jatpaidy.
