Aqtóbede Kókjide ken ornyndaǵy aýyz sý qory munaimen lastanyp jatyr. Tabiǵat qorǵaýshylary Energetika ministrligine munai óndirýdi toqtatýǵa usynys jasady, dep habarlaidy "Ult aqparat".
Aqtóbe oblystyq tabiǵi resýrstar jáne tabiǵatty paidalanýdy retteý basqarmasy Kókjide ken ornyndaǵy jerasty sýyn 2009 jyldan beri baqylap otyr. Qazirgi kezde bul ken ornynda 7 munai óndirýshi kompaniia bar. «SNPS-Aqtóbemunaigaz» AQ, «KMK Munai» JShS, «AdaOil» JShS munai óndirý jumystarymen ainalyssa, ózgesi barlaý júrgizip jatyr.
«Barlaý, munai burǵylaý jumystary júrip jatqan ken oryndarynyń janynda 17 uńǵyma bar. Osy uńǵymalar arqyly aýyz sý quramy tekseriledi. Jylyna úsh ret tekserilgen kezde aýyz sýdyń lastanýy tirkelip otyr. Biyl «KMK Munai» kompaniiasynyń aýmaǵynda, Uryqtaý ken ornynda sýdyń lastanýy tirkeldi», - dedi Aqtóbe oblystyq tabiǵi resýrstar jáne tabiǵatty paidalanýdy retteý basqarmasynyń basshysy Nurjan Aqqul.
Aita keteiik, oblystyq basqarma Energetika basqarmasyna Kókjide ken ornyndaǵy aýyz sý qoryn lastaityn uńǵyma jumysyn toqtatý týraly usynys jasady. Sonymen qatar, aýyz sý quramyn tekserý jumysyn ortalyqtandyrýdy usyndy. Negizi Kókjide ken ornyn igerip jatqan munai kompaniialary uzaqmerzimdi kelisimshart boiynsha jumys istep jatyr. Ázirge eshqaisysynyń kelisimsharty aldaǵy 10 jylda aiaqtalmaidy.
