اقتٶبەدە كٶكجيدە كەن ورنىنداعى اۋىز سۋ قورى مۇنايمەن لاستانىپ جاتىر. تابيعات قورعاۋشىلارى ەنەرگەتيكا مينيسترلٸگٸنە مۇناي ٶندٸرۋدٸ توقتاتۋعا ۇسىنىس جاسادى, دەپ حابارلايدى "ۇلت اقپارات".
اقتٶبە وبلىستىق تابيعي رەسۋرستار جەنە تابيعاتتى پايدالانۋدى رەتتەۋ باسقارماسى كٶكجيدە كەن ورنىنداعى جەراستى سۋىن 2009 جىلدان بەرٸ باقىلاپ وتىر. قازٸرگٸ كەزدە بۇل كەن ورنىندا 7 مۇناي ٶندٸرۋشٸ كومپانييا بار. «سنپس-اقتٶبەمۇنايگاز» اق, «كمك مۇناي» جشس, «اداويل» جشس مۇناي ٶندٸرۋ جۇمىستارىمەن اينالىسسا, ٶزگەسٸ بارلاۋ جٷرگٸزٸپ جاتىر.
«بارلاۋ, مۇناي بۇرعىلاۋ جۇمىستارى جٷرٸپ جاتقان كەن ورىندارىنىڭ جانىندا 17 ۇڭعىما بار. وسى ۇڭعىمالار ارقىلى اۋىز سۋ قۇرامى تەكسەرٸلەدٸ. جىلىنا ٷش رەت تەكسەرٸلگەن كەزدە اۋىز سۋدىڭ لاستانۋى تٸركەلٸپ وتىر. بيىل «كمك مۇناي» كومپانيياسىنىڭ اۋماعىندا, ۇرىقتاۋ كەن ورنىندا سۋدىڭ لاستانۋى تٸركەلدٸ», - دەدٸ اقتٶبە وبلىستىق تابيعي رەسۋرستار جەنە تابيعاتتى پايدالانۋدى رەتتەۋ باسقارماسىنىڭ باسشىسى نۇرجان اققۇل.
ايتا كەتەيٸك, وبلىستىق باسقارما ەنەرگەتيكا باسقارماسىنا كٶكجيدە كەن ورنىنداعى اۋىز سۋ قورىن لاستايتىن ۇڭعىما جۇمىسىن توقتاتۋ تۋرالى ۇسىنىس جاسادى. سونىمەن قاتار, اۋىز سۋ قۇرامىن تەكسەرۋ جۇمىسىن ورتالىقتاندىرۋدى ۇسىندى. نەگٸزٸ كٶكجيدە كەن ورنىن يگەرٸپ جاتقان مۇناي كومپانييالارى ۇزاقمەرزٸمدٸ كەلٸسٸمشارت بويىنشا جۇمىس ٸستەپ جاتىر. ەزٸرگە ەشقايسىسىنىڭ كەلٸسٸمشارتى الداعى 10 جىلدا اياقتالمايدى.
