Sýret: instagram.com/polisia_aqtobe
13 jasar Kárim Jetirý Aqtóbeniń Zarechnyi-1 aýdanyndaǵy úiden shyǵyp, habar-osharsyz ketti. Bala aýtizmmen aýyrady, ony 500 adam izdestirip jatyr, dep habarlaidy "Ult aqparat".
Bala úiiniń aýlasynan shyqqan sát videoǵa túsip qalǵan. Aýtizm dertine shaldyqqan balany osymen tórtinshi kún izdestirip jatyr.
"Balany izdeýge 500-ge jýyq adam tartyldy, onyń ishinde politsiia qyzmetkerleri, TJB qyzmetkerleri, eriktiler, sondai-aq qyzmettik itter men 40 birlik tehnika, úsh kvadrotsikl, eki qaiyq, tórt at, ushý apparattary bar. Politsiiaǵa júgingen sátten bastap úilerdiń shatyrlary men aýlalary, káriz liýkteri, shuńqyrlar, egistikter, onyń ishinde orman alqaptary tekserilýde", - dep habarlady Aqtóbe oblysy PD.
Izdeý júieleri tamaqtaný oryndaryn, dúkender men saýda ortalyqtaryn tekserýde. Balanyń derekteri kórsetilgen habarlamalar barlyq qoǵamdyq oryndarǵa jiberildi. Balany izdeýge jaqyn mańdaǵy sý qoimalaryn tintitin súńgýirler de jumyldyryldy.
