سۋرەت: instagram.com/polisia_aqtobe
13 جاسار كەرٸم جەتٸرۋ اقتٶبەنٸڭ زارەچنىي-1 اۋدانىنداعى ٷيدەن شىعىپ, حابار-وشارسىز كەتتٸ. بالا اۋتيزممەن اۋىرادى, ونى 500 ادام ٸزدەستٸرٸپ جاتىر, دەپ حابارلايدى "ۇلت اقپارات".
بالا ٷيٸنٸڭ اۋلاسىنان شىققان سەت ۆيدەوعا تٷسٸپ قالعان. اۋتيزم دەرتٸنە شالدىققان بالانى وسىمەن تٶرتٸنشٸ كٷن ٸزدەستٸرٸپ جاتىر.
"بالانى ٸزدەۋگە 500-گە جۋىق ادام تارتىلدى, ونىڭ ٸشٸندە پوليتسييا قىزمەتكەرلەرٸ, تجب قىزمەتكەرلەرٸ, ەرٸكتٸلەر, سونداي-اق قىزمەتتٸك يتتەر مەن 40 بٸرلٸك تەحنيكا, ٷش كۆادروتسيكل, ەكٸ قايىق, تٶرت ات, ۇشۋ اپپاراتتارى بار. پوليتسيياعا جٷگٸنگەن سەتتەن باستاپ ٷيلەردٸڭ شاتىرلارى مەن اۋلالارى, كەرٸز ليۋكتەرٸ, شۇڭقىرلار, ەگٸستٸكتەر, ونىڭ ٸشٸندە ورمان القاپتارى تەكسەرٸلۋدە", - دەپ حابارلادى اقتٶبە وبلىسى پد.
ٸزدەۋ جٷيەلەرٸ تاماقتانۋ ورىندارىن, دٷكەندەر مەن ساۋدا ورتالىقتارىن تەكسەرۋدە. بالانىڭ دەرەكتەرٸ كٶرسەتٸلگەن حابارلامالار بارلىق قوعامدىق ورىندارعا جٸبەرٸلدٸ. بالانى ٸزدەۋگە جاقىن ماڭداعى سۋ قويمالارىن تٸنتيتٸن سٷڭگۋٸرلەر دە جۇمىلدىرىلدى.
