Aqtóbe oblysy boiynsha sońǵy táýlikte 29 derek tirkeldi. Olardyń kóbi ekspress test kezinde anyqtaldy, dep habarlaidy "Ult aqparat".
Aqtóbede politsiia, áskeriler men meditsina qyzmetkerleri ekspress test tapsyrǵan kezde taǵy bir aýrý oshaǵy anyqtaldy. Sońǵy táýlikte indet juqtyrǵan 29 adamnyń ekeýi buryn karantinge jabylyp, qaita ashýǵa daiyndalǵan kópqabatty úidiń turǵyny. Al jeti adam Teńiz kenishinen kelgen jumysshy.
«Infektsiiamen kúres jumystaryna jumyldyrylǵan adamdardy skriningten ótkizip jatqanymyz belgili. Sońǵy derektegi boiynsha 20 adamnyń bir jerde bolǵany anyqtaldy. Áskeri qyzmetkerlerdiń eshqaisysy úilerine barmaǵan. Oqshaýlanǵan oshaqtaǵy adamdar infektsiialyq gospitalge jetkizildi», - dedi oblystyq densaýlyq saqtaý basqarmasynyń basshysy Áset Qaliev.
Aita keteiik, Aqtóbe oblysynda barlyǵy 213 adamnan indet anyqtalǵan bolsa, onyń 62-i emdeldi. Aýrýhanada jatqan 151 adamnyń bireýi jasandy tynys alý apparatyna qosyldy. Em alyp jatqandardyń 11-i bala.
