اقتٶبە وبلىسى بويىنشا سوڭعى تەۋلٸكتە 29 دەرەك تٸركەلدٸ. ولاردىڭ كٶبٸ ەكسپرەسس تەست كەزٸندە انىقتالدى, دەپ حابارلايدى "ۇلت اقپارات".
اقتٶبەدە پوليتسييا, ەسكەريلەر مەن مەديتسينا قىزمەتكەرلەرٸ ەكسپرەسس تەست تاپسىرعان كەزدە تاعى بٸر اۋرۋ وشاعى انىقتالدى. سوڭعى تەۋلٸكتە ٸندەت جۇقتىرعان 29 ادامنىڭ ەكەۋٸ بۇرىن كارانتينگە جابىلىپ, قايتا اشۋعا دايىندالعان كٶپقاباتتى ٷيدٸڭ تۇرعىنى. ال جەتٸ ادام تەڭٸز كەنٸشٸنەن كەلگەن جۇمىسشى.
«ينفەكتسييامەن كٷرەس جۇمىستارىنا جۇمىلدىرىلعان ادامداردى سكرينينگتەن ٶتكٸزٸپ جاتقانىمىز بەلگٸلٸ. سوڭعى دەرەكتەگٸ بويىنشا 20 ادامنىڭ بٸر جەردە بولعانى انىقتالدى. ەسكەري قىزمەتكەرلەردٸڭ ەشقايسىسى ٷيلەرٸنە بارماعان. وقشاۋلانعان وشاقتاعى ادامدار ينفەكتسييالىق گوسپيتالگە جەتكٸزٸلدٸ», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
ايتا كەتەيٸك, اقتٶبە وبلىسىندا بارلىعى 213 ادامنان ٸندەت انىقتالعان بولسا, ونىڭ 62-ٸ ەمدەلدٸ. اۋرۋحانادا جاتقان 151 ادامنىڭ بٸرەۋٸ جاساندى تىنىس الۋ اپپاراتىنا قوسىلدى. ەم الىپ جاتقانداردىڭ 11-ٸ بالا.
