Aqtóbeniń Mártók aýdanynda anasy men balasynan koronavirýs infektsiiasy anyqtaldy. Qazir olar em qabyldap jatyr, dep habarlaidy "Ult aqparat".
Nur – Sultan qalasynyń ýaqytymen saǵat 17:25-de Aqtóbe oblysynda taǵy eki adamnan indet anyqtalǵan bolatyn. Olar qazir aýdanda em qabyldap jatyr.
«Infektsiialyq statsionardaǵy arnaiy boks palatada barlyǵy 22 naýqas em qabyldap jatyr. Bireýiniń jaǵdaiy aýyr. Júrek aýrýy, qant diabeti sekildi sozylmaly derti bolǵan soń keshe tynys alýy nasharlaǵan edi. Qazir emniń nátijesinde jaǵdaiy turaqtaldy. Bir naýqastyń jaǵdaiy ortasha aýyr. Sońǵy tirkelgen derek boiynsha, bir otbasynda anasy men balasy indetke shaldyqty. Aqtóbe qalasynyń turǵyny 12 sáýir kúni Mártók aýdanyna qonaqqa barǵan. Nátijesinde áiel men onyń 1 jastaǵy balasynan virýs tabyldy. Sondyqtan shekteýlerdi eskerip, oqshaýlanǵan jón. Esh qiyndyǵy joq, úide otyr, eshkimge barma, eshkimdi shaqyrma», - dedi oblystyq densaýlyq saqtaý basqarmasynyń basshysy Áset Qaliev jergilikti arnadaǵy tikelei efirde.
Aita keteiik, Aqtóbedegi infektsiialyq, provizorlyq, karantindik gospitalde 397 naýqas emdelip jatsa, 1800-den astam adam úidegi karantinde.
