اقتٶبەنٸڭ مەرتٶك اۋدانىندا اناسى مەن بالاسىنان كوروناۆيرۋس ينفەكتسيياسى انىقتالدى. قازٸر ولار ەم قابىلداپ جاتىر, دەپ حابارلايدى "ۇلت اقپارات".
نۇر – سۇلتان قالاسىنىڭ ۋاقىتىمەن ساعات 17:25-دە اقتٶبە وبلىسىندا تاعى ەكٸ ادامنان ٸندەت انىقتالعان بولاتىن. ولار قازٸر اۋداندا ەم قابىلداپ جاتىر.
«ينفەكتسييالىق ستاتسيونارداعى ارنايى بوكس پالاتادا بارلىعى 22 ناۋقاس ەم قابىلداپ جاتىر. بٸرەۋٸنٸڭ جاعدايى اۋىر. جٷرەك اۋرۋى, قانت ديابەتٸ سەكٸلدٸ سوزىلمالى دەرتٸ بولعان سوڭ كەشە تىنىس الۋى ناشارلاعان ەدٸ. قازٸر ەمنٸڭ نەتيجەسٸندە جاعدايى تۇراقتالدى. بٸر ناۋقاستىڭ جاعدايى ورتاشا اۋىر. سوڭعى تٸركەلگەن دەرەك بويىنشا, بٸر وتباسىندا اناسى مەن بالاسى ٸندەتكە شالدىقتى. اقتٶبە قالاسىنىڭ تۇرعىنى 12 سەۋٸر كٷنٸ مەرتٶك اۋدانىنا قوناققا بارعان. نەتيجەسٸندە ەيەل مەن ونىڭ 1 جاستاعى بالاسىنان ۆيرۋس تابىلدى. سوندىقتان شەكتەۋلەردٸ ەسكەرٸپ, وقشاۋلانعان جٶن. ەش قيىندىعى جوق, ٷيدە وتىر, ەشكٸمگە بارما, ەشكٸمدٸ شاقىرما», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ جەرگٸلٸكتٸ ارناداعى تٸكەلەي ەفيردە.
ايتا كەتەيٸك, اقتٶبەدەگٸ ينفەكتسييالىق, پروۆيزورلىق, كارانتيندٸك گوسپيتالدە 397 ناۋقاس ەمدەلٸپ جاتسا, 1800-دەن استام ادام ٷيدەگٸ كارانتيندە.
