Foto: reewungjunerr/Depositphotos.com
Aqtóbede «35 jastaǵy áiel men onyń 16 jastaǵy ulyn óltirdi» dep kúdikke ilikken adam tergeý izoliatorynda óz-ózine qol jumsady. Osy oqiǵa boiynsha qylmystyq is qozǵaldy, dep habarlaidy QazAqparat.
Aqtóbe qalasyndaǵy páterlerdiń birinde áieldi balasymen qosa bir túnde pyshaqtap óltirip ketken kúdiktini ustaý operatsiiasy aptaǵa sozyldy. Keiin politsiia kúdiktiniń ustalyp, tergeý abaqtysyna qamalǵanyn málimdedi. Al, kúdikti QAJD tergeý izoliatorynda kóz jumdy.
«Kúdiktiniń denesin mekeme qyzmetkerleri tún ishinde tapty. Kezekshi qyzmetkerler birden jedel járdem shaqyrdy. Jan-jaqty kómek kórsetilgenimen, aman alyp qalý múmkin bolmady. Oqiǵa ornyna jetken jedel járdem qyzmeti kúdiktiniń ólimin tirkedi. Oqiǵa ornyna jedel tergeý toby keldi. Qylmystyq kodekstiń «Ózin-ózi óltirýge jetkizý» baby boiynsha is tirkelip, tergeý júrip jatyr. Qazir qyzmettik tekserý de bastaldy. Onyń nátijesine qarai zań aiasynda sheshim qabyldanady», - dep habarlady QAJD baspasóz qyzmeti.
