فوتو: reewungjunerr/Depositphotos.com
اقتٶبەدە «35 جاستاعى ەيەل مەن ونىڭ 16 جاستاعى ۇلىن ٶلتٸردٸ» دەپ كٷدٸككە ٸلٸككەن ادام تەرگەۋ يزولياتورىندا ٶز-ٶزٸنە قول جۇمسادى. وسى وقيعا بويىنشا قىلمىستىق ٸس قوزعالدى, دەپ حابارلايدى قازاقپارات.
اقتٶبە قالاسىنداعى پەتەرلەردٸڭ بٸرٸندە ەيەلدٸ بالاسىمەن قوسا بٸر تٷندە پىشاقتاپ ٶلتٸرٸپ كەتكەن كٷدٸكتٸنٸ ۇستاۋ وپەراتسيياسى اپتاعا سوزىلدى. كەيٸن پوليتسييا كٷدٸكتٸنٸڭ ۇستالىپ, تەرگەۋ اباقتىسىنا قامالعانىن مەلٸمدەدٸ. ال, كٷدٸكتٸ قاجد تەرگەۋ يزولياتورىندا كٶز جۇمدى.
«كٷدٸكتٸنٸڭ دەنەسٸن مەكەمە قىزمەتكەرلەرٸ تٷن ٸشٸندە تاپتى. كەزەكشٸ قىزمەتكەرلەر بٸردەن جەدەل جەردەم شاقىردى. جان-جاقتى كٶمەك كٶرسەتٸلگەنٸمەن, امان الىپ قالۋ مٷمكٸن بولمادى. وقيعا ورنىنا جەتكەن جەدەل جەردەم قىزمەتٸ كٷدٸكتٸنٸڭ ٶلٸمٸن تٸركەدٸ. وقيعا ورنىنا جەدەل تەرگەۋ توبى كەلدٸ. قىلمىستىق كودەكستٸڭ «ٶزٸن-ٶزٸ ٶلتٸرۋگە جەتكٸزۋ» بابى بويىنشا ٸس تٸركەلٸپ, تەرگەۋ جٷرٸپ جاتىر. قازٸر قىزمەتتٸك تەكسەرۋ دە باستالدى. ونىڭ نەتيجەسٸنە قاراي زاڭ اياسىندا شەشٸم قابىلدانادى», - دەپ حابارلادى قاجد باسپاسٶز قىزمەتٸ.
