Foto: videodan skrinshot
Aqtóbede qylmystyq top jalǵan qujat jasap, 12 vagon suiytylǵan gazdy satpaq boldy. Olar munai-gaz kompaniiasynyń qyzmetkerleri bolyp shyqty, dep habarlaidy Ult.kz.
Aqtóbe oblystyq PD uiymdasqan qylmysqa qarsy kúres basqarmasy, prokýratýra men UQKD áleýmettik gazdy urlap, satpaq bolǵan kúdikti topty ustady. Olar gaz óńdeý kompaniiasynyń jumysshylary bolyp shyqty. Aldymen gazdyń quramyn tekserip, ony jaramsyz dep tanidy. Keiin jinap, satýǵa kirisken.
"Olar esepke alynbaǵan gazdy jinaqtap, keiin temir jol arqyly tasymaldaǵan. Ken ornynan satý ornyna bara jatqan jolda urlanǵan gaz bar 12 vagon ustaldy. Tiisti saraptamalar taǵaiyndaldy, nátijeleri boiynsha keltirilgen shyǵynnyń somasy belgilenetin bolady. Jedel-tergeý is-sharalary jalǵasyp jatyr", - dedi IIM uiymdasqan qylmysqa qarsy kúres departamentiniń ókili Qýandyq Alpys.
Qazir Qylmystyq kodekstiń «Urlyq» baby boiynsha is qozǵalyp, tergeý júrip jatyr.
