Ekinshi deńgeili bankter Aqtóbe oblysy boiynsha «7-20-25» baǵdarlamasy aiasynda jalpy somasy 1 mlrd. 728 mln. teńgeni quraityn ipotekalyq turǵyn úi qaryzdaryn alýǵa 207 ótinim qabyldady. Ulttyq banktiń málimeti boiynsha, onyń ishinde 1 mlrd. 136 mln. teńgege 131 ótinim maquldandy.
Memleket basshysynyń jańa Joldaýynda óńirlerge jergilikti biýdjetten bastapqy jarnalardy ishinara sýbsidiialaý múmkindigin pysyqtaý tapsyryldy. Bul bilikti pedagogtar, dárigerler, politsiia qyzmetkerleri jáne oblysqa qajetti basqa da mamandar úshin nesieniń qoljetimdiligin arttyrady.
Qyrkúiek aiynyń ortasynda Aqtóbe oblysynyń basshylyǵy «Baspana» ipotekalyq uiymymen oblysta taiaý jyldary 800 myń sharshy metrden astam nesielik turǵyn úi salynatyny týraly memorandýmǵa qol qoidy. Sondai-aq oblys ákimdigi halyqtyń áleýmettik osal toptaryn, biýdjettik qyzmetkerlerdi qoldaý maqsatynda bastapqy jarnany 10 paiyzǵa azaitý úshin 2 mlrd. teńge qarajat bólýdi josparlap otyr. Birinshi kezeńde osy maqsattarǵa jergilikti biýdjetten 250 mln. teńge bólinbek.
«Shaǵyn nesie berýdi kóbeitý» tórtinshi áleýmettik bastamasy da oblysta nátijeli iske asyrylýda. Bul týraly oblystyq kásipkerlik basqarmasy basshysynyń orynbasary Asqar Kókeev málimdedi.
«Nátijeli jumyspen qamtý jáne jappai kásipkerlikti damytý baǵdarlamasy» aiasynda aǵymdaǵy jyly Aqtóbe jáne Hromtaý qalalary úshin shaǵyn nesie berýge 1 milliardtan astam qarajat bólý kózdelgen. Osy qarajattyń jartysy Elbasynyń bes áleýmettik bastamasy aiasynda bólinbek.
Oblystyń kásipkerlik basqarmasy keminde 64 jobany qarjylandyrýdy josparlap otyr. Ótken, iaǵni 2017 jyly 545 mln. teńge qarjyny quraityn 45 joba qoldaýǵa ie boldy.
– Sońǵy málimetter boiynsha bankter 386,8 mln. teńgege 37 jobany maquldady, 275,26 mln. teńgege 27 nesie berildi. EDB-da ornalastyrylǵan somanyń jalpy igerilýi 28 paiyzdy quraidy. Qazirgi ýaqytta 267,4 mln.teńgege 20-dan astam joba qaraldy, – deidi Asqar Kókeev.
Áleýmettik jańǵyrtýǵa baǵyttalǵan birinshi bastama turǵyn úi satyp alýdyń jańa múmkindikterin kózdeidi. Bul biyl iske qosylǵan «7-20-25» turǵyn úi ipotekalyq baǵdarlamasynda naqty kórsetilgen.
– Baǵdarlamanyń qatysýshylary Qazaqstannyń turǵyn úi qurylys jinaq bankinde salymdary bar jergilikti atqarý organdarynda kezekte turǵandar jáne ekinshi deńgeidegi bankterdiń salymshylary. Búginde memlekettik turǵyn úi qorynan turǵyn úige muqtajdar esebinde Aqtóbe oblysy boiynsha 28 287 adam, onyń ishinde Aqtóbeden 21 961 adam kezekte tur, - dedi oblystyq qurylys, sáýlet jáne qala qurylysy basqarmasy basshysynyń orynbasary Nurtas Seiitov.
Aita keteiik, Elbasynyń bes áleýmettik bastamasynyń iske asyrylýyn «Nur Otan» partiiasy baqylaidy. Memleket basshysynyń bul tapsyrmasy búginde sátti oryndalýda.
Elaman Maqsotuly
