ەكٸنشٸ دەڭگەيلٸ بانكتەر اقتٶبە وبلىسى بويىنشا «7-20-25» باعدارلاماسى اياسىندا جالپى سوماسى 1 ملرد. 728 ملن. تەڭگەنٸ قۇرايتىن يپوتەكالىق تۇرعىن ٷي قارىزدارىن الۋعا 207 ٶتٸنٸم قابىلدادى. ۇلتتىق بانكتٸڭ مەلٸمەتٸ بويىنشا, ونىڭ ٸشٸندە 1 ملرد. 136 ملن. تەڭگەگە 131 ٶتٸنٸم ماقۇلداندى.
مەملەكەت باسشىسىنىڭ جاڭا جولداۋىندا ٶڭٸرلەرگە جەرگٸلٸكتٸ بيۋدجەتتەن باستاپقى جارنالاردى ٸشٸنارا سۋبسيدييالاۋ مٷمكٸندٸگٸن پىسىقتاۋ تاپسىرىلدى. بۇل بٸلٸكتٸ پەداگوگتار, دەرٸگەرلەر, پوليتسييا قىزمەتكەرلەرٸ جەنە وبلىسقا قاجەتتٸ باسقا دا ماماندار ٷشٸن نەسيەنٸڭ قولجەتٸمدٸلٸگٸن ارتتىرادى.
قىركٷيەك ايىنىڭ ورتاسىندا اقتٶبە وبلىسىنىڭ باسشىلىعى «باسپانا» يپوتەكالىق ۇيىمىمەن وبلىستا تاياۋ جىلدارى 800 مىڭ شارشى مەتردەن استام نەسيەلٸك تۇرعىن ٷي سالىناتىنى تۋرالى مەموراندۋمعا قول قويدى. سونداي-اق وبلىس ەكٸمدٸگٸ حالىقتىڭ ەلەۋمەتتٸك وسال توپتارىن, بيۋدجەتتٸك قىزمەتكەرلەردٸ قولداۋ ماقساتىندا باستاپقى جارنانى 10 پايىزعا ازايتۋ ٷشٸن 2 ملرد. تەڭگە قاراجات بٶلۋدٸ جوسپارلاپ وتىر. بٸرٸنشٸ كەزەڭدە وسى ماقساتتارعا جەرگٸلٸكتٸ بيۋدجەتتەن 250 ملن. تەڭگە بٶلٸنبەك.
«شاعىن نەسيە بەرۋدٸ كٶبەيتۋ» تٶرتٸنشٸ ەلەۋمەتتٸك باستاماسى دا وبلىستا نەتيجەلٸ ٸسكە اسىرىلۋدا. بۇل تۋرالى وبلىستىق كەسٸپكەرلٸك باسقارماسى باسشىسىنىڭ ورىنباسارى اسقار كٶكەەۆ مەلٸمدەدٸ.
«نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى» اياسىندا اعىمداعى جىلى اقتٶبە جەنە حرومتاۋ قالالارى ٷشٸن شاعىن نەسيە بەرۋگە 1 ميللياردتان استام قاراجات بٶلۋ كٶزدەلگەن. وسى قاراجاتتىڭ جارتىسى ەلباسىنىڭ بەس ەلەۋمەتتٸك باستاماسى اياسىندا بٶلٸنبەك.
وبلىستىڭ كەسٸپكەرلٸك باسقارماسى كەمٸندە 64 جوبانى قارجىلاندىرۋدى جوسپارلاپ وتىر. ٶتكەن, ياعني 2017 جىلى 545 ملن. تەڭگە قارجىنى قۇرايتىن 45 جوبا قولداۋعا يە بولدى.
– سوڭعى مەلٸمەتتەر بويىنشا بانكتەر 386,8 ملن. تەڭگەگە 37 جوبانى ماقۇلدادى, 275,26 ملن. تەڭگەگە 27 نەسيە بەرٸلدٸ. ەدب-دا ورنالاستىرىلعان سومانىڭ جالپى يگەرٸلۋٸ 28 پايىزدى قۇرايدى. قازٸرگٸ ۋاقىتتا 267,4 ملن.تەڭگەگە 20-دان استام جوبا قارالدى, – دەيدٸ اسقار كٶكەەۆ.
ەلەۋمەتتٸك جاڭعىرتۋعا باعىتتالعان بٸرٸنشٸ باستاما تۇرعىن ٷي ساتىپ الۋدىڭ جاڭا مٷمكٸندٸكتەرٸن كٶزدەيدٸ. بۇل بيىل ٸسكە قوسىلعان «7-20-25» تۇرعىن ٷي يپوتەكالىق باعدارلاماسىندا ناقتى كٶرسەتٸلگەن.
– باعدارلامانىڭ قاتىسۋشىلارى قازاقستاننىڭ تۇرعىن ٷي قۇرىلىس جيناق بانكٸندە سالىمدارى بار جەرگٸلٸكتٸ اتقارۋ ورگاندارىندا كەزەكتە تۇرعاندار جەنە ەكٸنشٸ دەڭگەيدەگٸ بانكتەردٸڭ سالىمشىلارى. بٷگٸندە مەملەكەتتٸك تۇرعىن ٷي قورىنان تۇرعىن ٷيگە مۇقتاجدار ەسەبٸندە اقتٶبە وبلىسى بويىنشا 28 287 ادام, ونىڭ ٸشٸندە اقتٶبەدەن 21 961 ادام كەزەكتە تۇر, - دەدٸ وبلىستىق قۇرىلىس, سەۋلەت جەنە قالا قۇرىلىسى باسقارماسى باسشىسىنىڭ ورىنباسارى نۇرتاس سەيٸتوۆ.
ايتا كەتەيٸك, ەلباسىنىڭ بەس ەلەۋمەتتٸك باستاماسىنىڭ ٸسكە اسىرىلۋىن «نۇر وتان» پارتيياسى باقىلايدى. مەملەكەت باسشىسىنىڭ بۇل تاپسىرماسى بٷگٸندە سەتتٸ ورىندالۋدا.
ەلامان ماقسوتۇلى
