Aqtóbede investitsiialyq salym, birjalarda aqshanyń paiyzyn arttyrý syltaýymen adamdardan aqsha alǵan kúdiktiler ustaldy, dep habarlaidy QazAqparat.
Aqtóbe oblystyq politsiia departamenti adamdardy aldap, aqsha alǵan kúdiktilerdi qolǵa túsirdi.
«Politsiiaǵa Aqtóbe qalasynyń 47 jastaǵy turǵyny aryz jazyp, óziniń aldanyp qalǵanyn aitty. Zardap shegýshiniń aitýynsha, tanysynyń úiinde otyrǵan kezde investitsiialyq salym týraly estip, bilgen. Apaly-sińlililer «Finiko» kompaniiasyna investitsiia salý, birjalarda aqshany ainaldyrý syltaýymen jábirlenýshiden qomaqty aqsha alyp ketken. Alaida, aqsha da, ýáde etken eki eselengen qarjy da bolmaǵan. Jedel izdestirý sharasy barysynda kúdiktilerdiń jeke basy anyqtaldy. Olar apaly- sińliler bolyp shyqty. Keltirilgen zalaldyń somasy 10 mln teńgeni quraidy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, Qylmystyq kodekstiń «Alaiaqtyq» baby boiynsha sotqa deiingi tergeý bastaldy.
