اقتٶبەدە ينۆەستيتسييالىق سالىم, بيرجالاردا اقشانىڭ پايىزىن ارتتىرۋ سىلتاۋىمەن ادامداردان اقشا العان كٷدٸكتٸلەر ۇستالدى, دەپ حابارلايدى قازاقپارات.
اقتٶبە وبلىستىق پوليتسييا دەپارتامەنتٸ ادامداردى الداپ, اقشا العان كٷدٸكتٸلەردٸ قولعا تٷسٸردٸ.
«پوليتسيياعا اقتٶبە قالاسىنىڭ 47 جاستاعى تۇرعىنى ارىز جازىپ, ٶزٸنٸڭ الدانىپ قالعانىن ايتتى. زارداپ شەگۋشٸنٸڭ ايتۋىنشا, تانىسىنىڭ ٷيٸندە وتىرعان كەزدە ينۆەستيتسييالىق سالىم تۋرالى ەستٸپ, بٸلگەن. اپالى-سٸڭلٸلٸلەر «Finiko» كومپانيياسىنا ينۆەستيتسييا سالۋ, بيرجالاردا اقشانى اينالدىرۋ سىلتاۋىمەن جەبٸرلەنۋشٸدەن قوماقتى اقشا الىپ كەتكەن. الايدا, اقشا دا, ۋەدە ەتكەن ەكٸ ەسەلەنگەن قارجى دا بولماعان. جەدەل ٸزدەستٸرۋ شاراسى بارىسىندا كٷدٸكتٸلەردٸڭ جەكە باسى انىقتالدى. ولار اپالى- سٸڭلٸلەر بولىپ شىقتى. كەلتٸرٸلگەن زالالدىڭ سوماسى 10 ملن تەڭگەنٸ قۇرايدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, قىلمىستىق كودەكستٸڭ «الاياقتىق» بابى بويىنشا سوتقا دەيٸنگٸ تەرگەۋ باستالدى.
