Aqtóbe oblysy, Qarǵaly aýdanynyń turǵyny Vladimir Filipp vaktsina saldyrdy, dep habarlaidy "Ult aqparat".
Aqtóbe oblysy boiynsha koronavirýs infektsiiasyna qarsy vaktsinanyń birinshi komponentin 27 myńnan astam adam qabyldady. Al ekinshi komponentti 6 myń adam aldy.
«Men 1928 jyly Ýkrainada ómirge keldim. Bizdi Qazaqstanǵa jer aýdaryp jiberdi. Sodan beri osy jerde turamyn, eńbek ettim. Vaktsinany óz erkimmen qabyldadym. Alǵashqy komponentin alǵan kezde esh áserin sezbedim. Dene qyzýym da kóterilmedi. Bári de vaktsina alǵan jón dep sanaimyn. Dárigerlerge alǵysymdy aitamyn. Ózgelerge de ekpe qabyldaýǵa keńes beremin», - dedi zeinetker Vladimir Filipp.
