Aqtóbe oblysy boiynsha 739 adam úi karantininde jatyr. Olardyń barlyǵy medtsina qyzmetkerleriniń baqylaýynda, dep habarlaidy QazAqparat.
Ótken táýlikte óńirde 13 adamnan koronavirýs infektsiiasy anyqtaldy. Aqtóbe qalasy men Oiyl aýdanynyń turǵyndary derttiń simptomdy túrine shaldyqqan. Oblystyq sanitariialyq-epidemiologiialyq baqylaý departamenti baspasóz qyzmetiniń habarlaýynsha, aqpan aiynda 100-ge jýyq adam virýs juqtyrǵan. Al búginge deiin 4191 jaǵdai tirkeldi. Onyń 94 paiyzdan astamy jazyldy. Qazirgi tańda úi karantinine 739 adam bar.
«Qazirgi kezde koronavirýs infektsiiasyn juqtyrǵan 175 naýqas em qabyldap jatyr. Onyń 45-i infektsiialyq statsionarlarda. Tórt naýqas jansaqtaý bóliminde bolsa, bireýi ókpeni jeldetý apparatyna qosylǵan. Ótken táýlikte 1 adam pnevmoniiaǵa shaldyǵyp, aýrýhanaǵa tústi. Barlyǵy 46 naýqastyń ókpesi qabynyp, em qabyldap jatyr. Onyń beseýi jansaqtaý bóliminde», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
Aita keteiik, óńirde monitoring toby da jumys istep jatyr. Qalalyq úilestirý ortalyǵyna 14 habarlama túsip, tekserildi. Jospardan tys tekserý júrgizilip, 5 kásipkerge 500 myń teńge aiyppul salyndy.
«Turǵyndarǵa maska taǵý, araqashyqtyqty saqtaý týraly erejeni taǵy bir eske salamyz. Shekaradaǵy sanitarlyq beketterde de baqylaý jalǵasyp jatyr. Qazir 26 adam karantindik statsionarda, meditsina qyzmetkerleriniń baqylaýynda. Olarda PTR anyqtamasy bolmady», - dedi oblystyq sanitariialyq-epidemologiialyq baqylaý departamenti basshysynyń orynbasary Muhtar Serbaev.
