اقتٶبە وبلىسى بويىنشا 739 ادام ٷي كارانتينٸندە جاتىر. ولاردىڭ بارلىعى مەدتسينا قىزمەتكەرلەرٸنٸڭ باقىلاۋىندا, دەپ حابارلايدى قازاقپارات.
ٶتكەن تەۋلٸكتە ٶڭٸردە 13 ادامنان كوروناۆيرۋس ينفەكتسيياسى انىقتالدى. اقتٶبە قالاسى مەن ويىل اۋدانىنىڭ تۇرعىندارى دەرتتٸڭ سيمپتومدى تٷرٸنە شالدىققان. وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ باسپاسٶز قىزمەتٸنٸڭ حابارلاۋىنشا, اقپان ايىندا 100-گە جۋىق ادام ۆيرۋس جۇقتىرعان. ال بٷگٸنگە دەيٸن 4191 جاعداي تٸركەلدٸ. ونىڭ 94 پايىزدان استامى جازىلدى. قازٸرگٸ تاڭدا ٷي كارانتينٸنە 739 ادام بار.
«قازٸرگٸ كەزدە كوروناۆيرۋس ينفەكتسيياسىن جۇقتىرعان 175 ناۋقاس ەم قابىلداپ جاتىر. ونىڭ 45-ٸ ينفەكتسييالىق ستاتسيونارلاردا. تٶرت ناۋقاس جانساقتاۋ بٶلٸمٸندە بولسا, بٸرەۋٸ ٶكپەنٸ جەلدەتۋ اپپاراتىنا قوسىلعان. ٶتكەن تەۋلٸكتە 1 ادام پنەۆمونيياعا شالدىعىپ, اۋرۋحاناعا تٷستٸ. بارلىعى 46 ناۋقاستىڭ ٶكپەسٸ قابىنىپ, ەم قابىلداپ جاتىر. ونىڭ بەسەۋٸ جانساقتاۋ بٶلٸمٸندە», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
ايتا كەتەيٸك, ٶڭٸردە مونيتورينگ توبى دا جۇمىس ٸستەپ جاتىر. قالالىق ٷيلەستٸرۋ ورتالىعىنا 14 حابارلاما تٷسٸپ, تەكسەرٸلدٸ. جوسپاردان تىس تەكسەرۋ جٷرگٸزٸلٸپ, 5 كەسٸپكەرگە 500 مىڭ تەڭگە ايىپپۇل سالىندى.
«تۇرعىندارعا ماسكا تاعۋ, اراقاشىقتىقتى ساقتاۋ تۋرالى ەرەجەنٸ تاعى بٸر ەسكە سالامىز. شەكاراداعى سانيتارلىق بەكەتتەردە دە باقىلاۋ جالعاسىپ جاتىر. قازٸر 26 ادام كارانتيندٸك ستاتسيوناردا, مەديتسينا قىزمەتكەرلەرٸنٸڭ باقىلاۋىندا. ولاردا پتر انىقتاماسى بولمادى», - دەدٸ وبلىستىق سانيتارييالىق-ەپيدەمولوگييالىق باقىلاۋ دەپارتامەنتٸ باسشىسىنىڭ ورىنباسارى مۇحتار سەرباەۆ.
