Sýret: Ashyq derekkózden
Aqtóbede Jańa jyl túni órt shyǵyp, saldarynan 58 jastaǵy áiel qaza tapty. Taǵy bir 82 jastaǵy áiel zardap shekti, - dep habarlaidy Massaget.kz portaly TJ departamentiniń baspasóz qyzmetine silteme jasap.
Aqtóbe qalasyndaǵy Mahambet Ótemisuly kóshesindegi jeke turǵyn úiden órt shyqqany týraly habarlama TJ qyzmetine 1 qańtarda túngi saǵat 1-de kelip túsken. Órt sóndirýshiler jetisimen jatyn bólmedegi 10 sharshy metr aýmaqtyń órtengenin anyqtaǵan. Órt kezinde gaz iisinen eki adam zardap shekti.
"Oqiǵa ornyna 4 tehnika men 24 adam attandy. Kelgen boida jatyn bólmede órt shyqqany anyqtaldy. Órt 2 saǵattyń ishinde sóndirildi. Saldarynan úide turatyn eki adam zardap shekti. 58 jastaǵy áiel kómirqyshqyl gazynan ýlanyp, aýrýhanaǵa jetpei kóz jumdy. 82 jastaǵy qart áiel aman qalyp, jansaqtaý bólimine jatqyzyldy. Órttiń shyǵý sebebi anyqtalyp jatyr", - dep habarlady TJD baspasóz qyzmeti.
