سۋرەت: اشىق دەرەككٶزدەن
اقتٶبەدە جاڭا جىل تٷنٸ ٶرت شىعىپ, سالدارىنان 58 جاستاعى ەيەل قازا تاپتى. تاعى بٸر 82 جاستاعى ەيەل زارداپ شەكتٸ, - دەپ حابارلايدى Massaget.kz پورتالى تج دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
اقتٶبە قالاسىنداعى ماحامبەت ٶتەمٸسۇلى كٶشەسٸندەگٸ جەكە تۇرعىن ٷيدەن ٶرت شىققانى تۋرالى حابارلاما تج قىزمەتٸنە 1 قاڭتاردا تٷنگٸ ساعات 1-دە كەلٸپ تٷسكەن. ٶرت سٶندٸرۋشٸلەر جەتٸسٸمەن جاتىن بٶلمەدەگٸ 10 شارشى مەتر اۋماقتىڭ ٶرتەنگەنٸن انىقتاعان. ٶرت كەزٸندە گاز يٸسٸنەن ەكٸ ادام زارداپ شەكتٸ.
"وقيعا ورنىنا 4 تەحنيكا مەن 24 ادام اتتاندى. كەلگەن بويدا جاتىن بٶلمەدە ٶرت شىققانى انىقتالدى. ٶرت 2 ساعاتتىڭ ٸشٸندە سٶندٸرٸلدٸ. سالدارىنان ٷيدە تۇراتىن ەكٸ ادام زارداپ شەكتٸ. 58 جاستاعى ەيەل كٶمٸرقىشقىل گازىنان ۋلانىپ, اۋرۋحاناعا جەتپەي كٶز جۇمدى. 82 جاستاعى قارت ەيەل امان قالىپ, جانساقتاۋ بٶلٸمٸنە جاتقىزىلدى. ٶرتتٸڭ شىعۋ سەبەبٸ انىقتالىپ جاتىر", - دەپ حابارلادى تجد باسپاسٶز قىزمەتٸ.
