«Nurly jer» baǵdarlamasynyń aiasynda «Nur Aqtóbe» yqsham aýdanynda 2152 páter paidalanýǵa berilip otyr. Alǵashqy 650 úi óz ielerin tapqan bolatyn. Budan bólek «Qazaqstannyń Turǵyn úi qurylys jinaq banki» AQ-nyń («Báiterek» holdinginiń enshiles uiymy) taǵy 311 salymshysy Aqtóbe oblysynyń ákimi Berdibek Saparbaev pen Turǵyn úi qurylys jinaq banki basqarma tóraiymy Lázzat Ibragimovanyń qolynan páter kiltin aldy.
«Árbir adam úshin baspananyń mańyzy zor. Táýelsizdik jyldary elimizde memleket basshysynyń basshylyǵymen qazaqstandyqtardy baspanamen qamtamasyz etý úshin kóp dúnie jasaldy. Buǵan osy shaǵyn aýdan dálel. Birneshe jyl buryn bul jer ien dala bolatyn, al qazir myńdaǵan páterler salynǵan. Prezidenttiń bes áleýmettik bastamasynda aitylǵan negizgi maqsattardyń biri de baspanamen qamtamasyz etýge baǵyttalǵan. Byltyr biz oblysta nebári 790 myń sharshy metr turǵyn úidi paidalanýǵa berdik, biyl kem degende 850 myń sharshy metrdi paidalanýǵa beremiz. Bizdiń basty maqsatymyz – baspanaǵa muqtaj aqtóbelikterdi, sonyń ishinde Turǵyn úi qurylys jinaq bankiniń 80 myń salymshysy men kezekte turǵan azamattardy turǵyn úimen qamtamasyz etý», - dedi aimaq basshysy.
Aqtóbe qalasynda bank salymshylary úshin 1 sharshy metr baǵasy 110 000-120 000 teńge aralyǵynda bolǵanyn atai ketý kerek. Bul «Nurly jer» baǵdarlamasynda qarastyrylǵan úi qunynan tómen. - Aqtóbe oblysy paidalanýǵa berilgen turǵyn úi kólemi boiynsha kóshbasshy bolyp keledi. 2152 páter berilip otyr, onyń 962-si satyldy. Budan bólek jyl sońyna deiin taǵy 1 655 páter paidalanýǵa beriledi dep josparlanýda. Memlekettik baǵdarlamanyń osynsha sátti oryndalýy – aimaq ákimdiginiń tiimdi jumysynyń nátijesi. Bank óz kezeginde qoljetimdi zaimdar berý arqyly salynǵan úilerdi satyp alýda halyqqa kómegin kórsetip otyr. Jaqynda «Nurly jer» baǵdarlamasynyń aiasynda nesie alý burynǵydan da jeńildei túsetin bolady. Bank memlekettik baǵdarlamanyńbastapqy jarnasyn30%-dan 20%-ǵa túsirý týraly bastama kóterdi. Ózgeris jaqyn arada iske qosylatyn bolady, - dep atap ótti Turǵyn úi qurylys jinaq banki Lázzat Ibragimova.
Áskeri qyzmetker Nurbek Myrzabai 8 mln teńgege úsh bólmeli úi alyp otyr. Tórt jyl ishinde ol Turǵyn úi qurylys jinaq bankindegi depozitine úi baǵasynyń 30%-na teń qarajattyń basyn qurai alǵan.
- 2014 jyldan beri ai saiyn jalaqymnyń bir bóligin banktegi shotyma aýdaryp otyrdym. Búgin, mine, jańa úige kirýge daiyndalyp jatyrmyz. Birinshi kezekte ata-anamdy kóshirip alyp kelemin. Buǵan deiin biz otbasy bolyp páter jaldaitynbyz, jaisyz boldy, ári shyǵyny da kóp. Endi nesie boiynsha ai saiynǵy tólemim 40 000 teńgeni quraityn bolady. Bul – men úshin qolaily baǵa, - dep tájiribesimen bólisti QTQJB klienti Nurbek Myrzabai.
Budan bólek jańa páter ieleri men Turǵyn úi qurylys jinaq bankiniń Aqtóbe filialy qyzmetkerleri jyl saiyn ótetin dástúrli «Jasyl Meken» aktsiiasyn bastady. Úi aýlasynda olar qylqandy jáne japyraqty aǵashtardyń 100-den astam kóshetin otyrǵyzdy. Bankpen birge aktsiiaǵa qatysyp, aǵash otyrǵyzǵan barlyq turǵyndar ataýly sertifikat pen kóshetti qalai kútip-baptaý kerektigi týraly nusqaýlyq aldy. Mundai sertifikatqa ie bolǵan ár januia otbasylyq aǵashymyz bar dep maqtan tutyp, onyń jetilip, jaiqalyp ósýin qadaǵalaityn bolady.
