«نۇرلى جەر» باعدارلاماسىنىڭ اياسىندا «نۇر اقتٶبە» ىقشام اۋدانىندا 2152 پەتەر پايدالانۋعا بەرٸلٸپ وتىر. العاشقى 650 ٷي ٶز يەلەرٸن تاپقان بولاتىن. بۇدان بٶلەك «قازاقستاننىڭ تۇرعىن ٷي قۇرىلىس جيناق بانكٸ» اق-نىڭ («بەيتەرەك» حولدينگٸنٸڭ ەنشٸلەس ۇيىمى) تاعى 311 سالىمشىسى اقتٶبە وبلىسىنىڭ ەكٸمٸ بەردٸبەك ساپارباەۆ پەن تۇرعىن ٷي قۇرىلىس جيناق بانكٸ باسقارما تٶرايىمى لەززات يبراگيموۆانىڭ قولىنان پەتەر كٸلتٸن الدى.
«ەربٸر ادام ٷشٸن باسپانانىڭ ماڭىزى زور. تەۋەلسٸزدٸك جىلدارى ەلٸمٸزدە مەملەكەت باسشىسىنىڭ باسشىلىعىمەن قازاقستاندىقتاردى باسپانامەن قامتاماسىز ەتۋ ٷشٸن كٶپ دٷنيە جاسالدى. بۇعان وسى شاعىن اۋدان دەلەل. بٸرنەشە جىل بۇرىن بۇل جەر يەن دالا بولاتىن, ال قازٸر مىڭداعان پەتەرلەر سالىنعان. پرەزيدەنتتٸڭ بەس ەلەۋمەتتٸك باستاماسىندا ايتىلعان نەگٸزگٸ ماقساتتاردىڭ بٸرٸ دە باسپانامەن قامتاماسىز ەتۋگە باعىتتالعان. بىلتىر بٸز وبلىستا نەبەرٸ 790 مىڭ شارشى مەتر تۇرعىن ٷيدٸ پايدالانۋعا بەردٸك, بيىل كەم دەگەندە 850 مىڭ شارشى مەتردٸ پايدالانۋعا بەرەمٸز. بٸزدٸڭ باستى ماقساتىمىز – باسپاناعا مۇقتاج اقتٶبەلٸكتەردٸ, سونىڭ ٸشٸندە تۇرعىن ٷي قۇرىلىس جيناق بانكٸنٸڭ 80 مىڭ سالىمشىسى مەن كەزەكتە تۇرعان ازاماتتاردى تۇرعىن ٷيمەن قامتاماسىز ەتۋ», - دەدٸ ايماق باسشىسى.
اقتٶبە قالاسىندا بانك سالىمشىلارى ٷشٸن 1 شارشى مەتر باعاسى 110 000-120 000 تەڭگە ارالىعىندا بولعانىن اتاي كەتۋ كەرەك. بۇل «نۇرلى جەر» باعدارلاماسىندا قاراستىرىلعان ٷي قۇنىنان تٶمەن. - اقتٶبە وبلىسى پايدالانۋعا بەرٸلگەن تۇرعىن ٷي كٶلەمٸ بويىنشا كٶشباسشى بولىپ كەلەدٸ. 2152 پەتەر بەرٸلٸپ وتىر, ونىڭ 962-سٸ ساتىلدى. بۇدان بٶلەك جىل سوڭىنا دەيٸن تاعى 1 655 پەتەر پايدالانۋعا بەرٸلەدٸ دەپ جوسپارلانۋدا. مەملەكەتتٸك باعدارلامانىڭ وسىنشا سەتتٸ ورىندالۋى – ايماق ەكٸمدٸگٸنٸڭ تيٸمدٸ جۇمىسىنىڭ نەتيجەسٸ. بانك ٶز كەزەگٸندە قولجەتٸمدٸ زايمدار بەرۋ ارقىلى سالىنعان ٷيلەردٸ ساتىپ الۋدا حالىققا كٶمەگٸن كٶرسەتٸپ وتىر. جاقىندا «نۇرلى جەر» باعدارلاماسىنىڭ اياسىندا نەسيە الۋ بۇرىنعىدان دا جەڭٸلدەي تٷسەتٸن بولادى. بانك مەملەكەتتٸك باعدارلامانىڭباستاپقى جارناسىن30%-دان 20%-عا تٷسٸرۋ تۋرالى باستاما كٶتەردٸ. ٶزگەرٸس جاقىن ارادا ٸسكە قوسىلاتىن بولادى, - دەپ اتاپ ٶتتٸ تۇرعىن ٷي قۇرىلىس جيناق بانكٸ لەززات يبراگيموۆا.
ەسكەري قىزمەتكەر نۇربەك مىرزاباي 8 ملن تەڭگەگە ٷش بٶلمەلٸ ٷي الىپ وتىر. تٶرت جىل ٸشٸندە ول تۇرعىن ٷي قۇرىلىس جيناق بانكٸندەگٸ دەپوزيتٸنە ٷي باعاسىنىڭ 30%-نا تەڭ قاراجاتتىڭ باسىن قۇراي العان.
- 2014 جىلدان بەرٸ اي سايىن جالاقىمنىڭ بٸر بٶلٸگٸن بانكتەگٸ شوتىما اۋدارىپ وتىردىم. بٷگٸن, مٸنە, جاڭا ٷيگە كٸرۋگە دايىندالىپ جاتىرمىز. بٸرٸنشٸ كەزەكتە اتا-انامدى كٶشٸرٸپ الىپ كەلەمٸن. بۇعان دەيٸن بٸز وتباسى بولىپ پەتەر جالدايتىنبىز, جايسىز بولدى, ەرٸ شىعىنى دا كٶپ. ەندٸ نەسيە بويىنشا اي سايىنعى تٶلەمٸم 40 000 تەڭگەنٸ قۇرايتىن بولادى. بۇل – مەن ٷشٸن قولايلى باعا, - دەپ تەجٸريبەسٸمەن بٶلٸستٸ قتقجب كليەنتٸ نۇربەك مىرزاباي.
بۇدان بٶلەك جاڭا پەتەر يەلەرٸ مەن تۇرعىن ٷي قۇرىلىس جيناق بانكٸنٸڭ اقتٶبە فيليالى قىزمەتكەرلەرٸ جىل سايىن ٶتەتٸن دەستٷرلٸ «جاسىل مەكەن» اكتسيياسىن باستادى. ٷي اۋلاسىندا ولار قىلقاندى جەنە جاپىراقتى اعاشتاردىڭ 100-دەن استام كٶشەتٸن وتىرعىزدى. بانكپەن بٸرگە اكتسيياعا قاتىسىپ, اعاش وتىرعىزعان بارلىق تۇرعىندار اتاۋلى سەرتيفيكات پەن كٶشەتتٸ قالاي كٷتٸپ-باپتاۋ كەرەكتٸگٸ تۋرالى نۇسقاۋلىق الدى. مۇنداي سەرتيفيكاتقا يە بولعان ەر جانۇيا وتباسىلىق اعاشىمىز بار دەپ ماقتان تۇتىپ, ونىڭ جەتٸلٸپ, جايقالىپ ٶسۋٸن قاداعالايتىن بولادى.
