Búgin qylmystyq is boiynsha mamandandyrylǵan aýdanaralyq sotynda 22 jastaǵy aqtóbelik qyzdyń ólimi boiynsha aldyn ala sot tyńdalymy ótti, dep habarlaidy "Ult aqparat".
Is materialdaryna sáikes, Ásem Elbrýsovanyń ólimine onyń súiiktisi Baqyt Orynbasarov kináli degen aiyp taǵylýda. Olar 2018 jyly tanysqan, al 2019 jyldyń tamyzynda jigit súiiktisine turmysqa shyǵý týraly usynys jasaǵan.
«2019 jyldyń 10 tamyzynda Baqyt Orynbasarov súiiktisi Ásem Elbrýsovany jaldamaly páterge shaqyrǵan. Urys kezinde ol qyzdy qolymen tunshyqtyrǵan. Sot meditsinalyq saraptamasy kórsetkendei, boijetken mehanikalyq asfiksiiadan kóz jumdy», - dedi memlekettik aiyptaýshy Nurjan Áblákimov.
Sottalýshy kinásin moiyndady jáne 2019 jyldyń 11 tamyzynda qamaýǵa alyndy.
Qaza tabýshynyń týystarynyń aitýynsha, Ásem biyl joǵary oqý ornyn «psihologiia» mamandyǵy boiynsha bitirgen, turmysqa shyǵýdy josparlap júrgen.
