بٷگٸن قىلمىستىق ٸس بويىنشا مامانداندىرىلعان اۋدانارالىق سوتىندا 22 جاستاعى اقتٶبەلٸك قىزدىڭ ٶلٸمٸ بويىنشا الدىن الا سوت تىڭدالىمى ٶتتٸ, دەپ حابارلايدى "ۇلت اقپارات".
ٸس ماتەريالدارىنا سەيكەس, ەسەم ەلبرۋسوۆانىڭ ٶلٸمٸنە ونىڭ سٷيٸكتٸسٸ باقىت ورىنباساروۆ كٸنەلٸ دەگەن ايىپ تاعىلۋدا. ولار 2018 جىلى تانىسقان, ال 2019 جىلدىڭ تامىزىندا جٸگٸت سٷيٸكتٸسٸنە تۇرمىسقا شىعۋ تۋرالى ۇسىنىس جاساعان.
«2019 جىلدىڭ 10 تامىزىندا باقىت ورىنباساروۆ سٷيٸكتٸسٸ ەسەم ەلبرۋسوۆانى جالدامالى پەتەرگە شاقىرعان. ۇرىس كەزٸندە ول قىزدى قولىمەن تۇنشىقتىرعان. سوت مەديتسينالىق ساراپتاماسى كٶرسەتكەندەي, بويجەتكەن مەحانيكالىق اسفيكسييادان كٶز جۇمدى», - دەدٸ مەملەكەتتٸك ايىپتاۋشى نۇرجان ەبلەكٸموۆ.
سوتتالۋشى كٸنەسٸن مويىندادى جەنە 2019 جىلدىڭ 11 تامىزىندا قاماۋعا الىندى.
قازا تابۋشىنىڭ تۋىستارىنىڭ ايتۋىنشا, ەسەم بيىل جوعارى وقۋ ورنىن «پسيحولوگييا» ماماندىعى بويىنشا بٸتٸرگەن, تۇرمىسقا شىعۋدى جوسپارلاپ جٷرگەن.
