Aqtóbede qaiǵyly oqiǵa boldy. 27 qazan kúni Baýyrlastar turǵyn aýdanynda 13 jastaǵy oqýshy ákesiniń ruqsatynsyz kólik kiltin alyp, serýenge shyqqan, dep habarlaidy Ult.kz Orda.kz-ke silteme jasap.
Politsiia departamentiniń málimetinshe, jasóspirim rólge ie bola almai, kólikti jol shetindegi jyraǵa túsirip, aýdaryp alǵan.
Aýyr jaraqat alǵan bala aýrýhanaǵa jetkizilgenimen, dárigerler onyń ómirin saqtap qala almady. Aqtóbe oblystyq politsiia departamenti bul derek boiynsha sotqa deiingi tergeý bastalǵanyn habarlady.
Qazir politsiia oqiǵanyń barlyq mán-jaiyn anyqtap jatyr. Tártip saqshylary ata-analarǵa kámeletke tolmaǵan balalarǵa kólik júrgizýge jol bermeý jóninde eskertý jasady.
«Osyndai nemqurailylyq qaiǵyly jaǵdailarǵa ákelip soǵady» dep málimdedi politsiia.
Bul — Aqtóbede biyl tirkelgen ólimmen aiaqtalǵan ekinshi jol apaty.
Eske sala ketsek, 23 qazanda «Samara – Shymkent» tas jolynyń Áiteke bi aýdanyna qarasty Belqopa aýyly mańynda úlken jol apaty bolyp, 12 adam kóz jumdy.
