اقتٶبەدە قايعىلى وقيعا بولدى. 27 قازان كٷنٸ باۋىرلاستار تۇرعىن اۋدانىندا 13 جاستاعى وقۋشى ەكەسٸنٸڭ رۇقساتىنسىز كٶلٸك كٸلتٸن الىپ, سەرۋەنگە شىققان, دەپ حابارلايدى Ult.kz Orda.kz-كە سٸلتەمە جاساپ.
پوليتسييا دەپارتامەنتٸنٸڭ مەلٸمەتٸنشە, جاسٶسپٸرٸم رٶلگە يە بولا الماي, كٶلٸكتٸ جول شەتٸندەگٸ جىراعا تٷسٸرٸپ, اۋدارىپ العان.
اۋىر جاراقات العان بالا اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى. اقتٶبە وبلىستىق پوليتسييا دەپارتامەنتٸ بۇل دەرەك بويىنشا سوتقا دەيٸنگٸ تەرگەۋ باستالعانىن حابارلادى.
قازٸر پوليتسييا وقيعانىڭ بارلىق مەن-جايىن انىقتاپ جاتىر. تەرتٸپ ساقشىلارى اتا-انالارعا كەمەلەتكە تولماعان بالالارعا كٶلٸك جٷرگٸزۋگە جول بەرمەۋ جٶنٸندە ەسكەرتۋ جاسادى.
«وسىنداي نەمقۇرايلىلىق قايعىلى جاعدايلارعا ەكەلٸپ سوعادى» دەپ مەلٸمدەدٸ پوليتسييا.
بۇل — اقتٶبەدە بيىل تٸركەلگەن ٶلٸممەن اياقتالعان ەكٸنشٸ جول اپاتى.
ەسكە سالا كەتسەك, 23 قازاندا «سامارا – شىمكەنت» تاس جولىنىڭ ەيتەكە بي اۋدانىنا قاراستى بەلقوپا اۋىلى ماڭىندا ٷلكەن جول اپاتى بولىپ, 12 ادام كٶز جۇمدى.
