Aqtóbede 13 jastaǵy jasóspirim óz-ózine qol jumsady. Ol 25 qabatty úidiń 20-qabatynan sekirip ketti, dep habarlaidy QazAqparat.
Qaiǵyly oqiǵa keshe saǵat 18.45-te Aqtóbe qalasynda tirkeldi.
Sol kezde qala turǵyny politsiia bólimine habarlasyp, 11-shaǵyn aýdanyndaǵy № 112 «V» úiiniń kireberisinde kámelet jasyna tolmaǵan qyzdyń jatqanyn aitqan.
Politsiia jasaǵy atalǵan úidiń kireberisinen 2008 jyly týǵan jetkinshektiń denesin tapty.
Ol 25 qabatty úidiń 20-qabatyndaǵy kireberistiń balkonynan sekirip ketken.
«Kámeletke tolmaǵan bala alǵan jaraqatynan jedel járdem kelgenge deiin qaza boldy. Oqiǵanyń sebepteri anyqtalyp jatyr. Qazir Qylmystyq kodekstiń «Óz-ózine qol jumsaýǵa jetkizý» baby boiynsha sotqa deiingi tergeý júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
