اقتٶبەدە 13 جاستاعى جاسٶسپٸرٸم ٶز-ٶزٸنە قول جۇمسادى. ول 25 قاباتتى ٷيدٸڭ 20-قاباتىنان سەكٸرٸپ كەتتٸ, دەپ حابارلايدى قازاقپارات.
قايعىلى وقيعا كەشە ساعات 18.45-تە اقتٶبە قالاسىندا تٸركەلدٸ.
سول كەزدە قالا تۇرعىنى پوليتسييا بٶلٸمٸنە حابارلاسىپ, 11-شاعىن اۋدانىنداعى № 112 «ۆ» ٷيٸنٸڭ كٸرەبەرٸسٸندە كەمەلەت جاسىنا تولماعان قىزدىڭ جاتقانىن ايتقان.
پوليتسييا جاساعى اتالعان ٷيدٸڭ كٸرەبەرٸسٸنەن 2008 جىلى تۋعان جەتكٸنشەكتٸڭ دەنەسٸن تاپتى.
ول 25 قاباتتى ٷيدٸڭ 20-قاباتىنداعى كٸرەبەرٸستٸڭ بالكونىنان سەكٸرٸپ كەتكەن.
«كەمەلەتكە تولماعان بالا العان جاراقاتىنان جەدەل جەردەم كەلگەنگە دەيٸن قازا بولدى. وقيعانىڭ سەبەپتەرٸ انىقتالىپ جاتىر. قازٸر قىلمىستىق كودەكستٸڭ «ٶز-ٶزٸنە قول جۇمساۋعا جەتكٸزۋ» بابى بويىنشا سوتقا دەيٸنگٸ تەرگەۋ جٷرگٸزٸلٸپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
