Aqtóbede 105 jastaǵy Jaqybai Bisenǵaliev №26 sailaý ýchaskesine baryp, óz tańdaýyn jasady, dep habarlaidy "Ult aqparat".
Aqtóbede oblysynda barlyǵy 517 sailaý ýchaskesi bar. Olardyń 162-ci Aqtóbe qalasynda ornalasqan. Óńirde 4 myńǵa jýyq adam óz úiinde otyryp, 700-den astamy emdeý oryndarynda tańdaý jasaýǵa ótinish bergen. Alaida 105 jastaǵy keiýana balasymen birge sailaý ýchaskesinde daýys berýdi uiǵarǵan.
«Buryn erte turyp, alǵashqylardyń biri bolyp, daýys beretin edim. Qazir qartaidyq, ózimiz kele almaimyz. Balammen birge kelip, tańdaý jasadym. Qazaqstan, elim aman bolsyn! Ózim ár sailaýǵa qatysyp, laiyqty tańdaý jasap júrmin»- dedi Jaqybai Bisenǵaliev. Keiin keiýana aq batasyn berdi.
Aita keteiik, Jaqybai Bisenǵalieva Aqtóbe oblysy, qazirgi Hromtaý aýdany, Qyzylsý aýylyndaǵy kópbalaly otbasynda dúniege kelgen. Oiy zerek, bilimge qushtar bolǵan Jaqybai Bisenǵalieva hat tanyǵanymen, aýylda molda bolmady. Sóitip onyń talaby orta joldan kesildi. Al 30-jyldary aýylǵa orystar qonystanyp, qarapaiym turǵyndar jer jyrtyp, kókónis ege bastady. Anasy naýqas, ákesi otbasyn ózi asyraǵan kezde Jaqybai áje de qarap qalmady. Úidiń bar aýyrtpalyǵyn kóterip, tańnan keshke deiin eńbek etti. Baýyrlaryna qamqor bolyp, olardyń aiaqtanyp ketýine kómektesti. Sóitip ózi kesh turmys qurdy. Otaǵasy Ǵabit Bisenǵaliev qyzmette boldy. Jas otbasynyń bul qýanyshy uzaqqa sozylmai, Ekinshi dúniejúzilik soǵys bastalyp ketti. Soǵystan aman-esen oralǵan soń úsh bala súidi. Qazir jeti shóberesi bar, ózi nemeresiniń qolynda turady.
