Aqtóbede 102 mekteptegi 315 synyp oqýshysynan koronavirýs infektsiiasy anyqtalyp, olar karantinge jiberildi, dep habarlaidy QazAqparat.
Aqtóbe oblysy «qyzyl» aimaqtar qatarynda tur. Munda bir táýlikte 224 adamnan koronavirýs infektsiiasy anyqtalyp, kóbi aýrýhaǵa tústi. Qazirgi kezde oblystyq infektsiialyq statsionarlarda 848 naýqas em qabyldap jatyr. Onyń 10-y ókpeni jasandy jeldetý apparatyna qosylǵan. Sonymen birge 47-i invazivti emes ókpeni jasandy jeldetý apparatymen tynys alýǵa májbúr.
«Infektsiialyq statsionarlarǵa jatqyzý deregi 10-15% tómendedi. Balalar arasyndaǵy jaǵdai da sondai. Qazir COVID-19 juqtyrǵan 337 balanyń 10-y aýrýhanada. Bireýiniń jaǵdaiy jeńil, ózgelerinde ortasha aýyrlyqta. Sonymen birge 11 júkti kelinshektiń 41-i aýrýhanada em qabyldap jatyr. Beseýiniń jaǵdaiy aýyr», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
Jańa oqý jyly bastalǵan kúnnen beri 315 oqýshy virýs juqtyryp, aýyryp qaldy.
«Aqtóbe qalasynda 241 baladan anyqtalsa, ózgesi aýdandarda. Qazir 102 mekteptegi 310 synyp oqýshysy túgel úi karantinine jiberildi. Olar qashyqtan bilim alady. Oblysta karantinge túgel jabylǵan mektep joq. Eger bir aýysymda oqityn oqýshylardyń 30%-nan virýs anyqtalsa, bir aýysym ǵana karantinge jiberiledi. Al túgel karantinge jiberý máselesi bólek-bólek sheshiledi», - dedi oblystyq sanitariialyq-epidemiologiialyq baqylaý departamenti basshysynyń orynbasary Gúlbaný Dáýletova.
